Read Papiamento E kanto di tur kanto 6 Bible Online

E kanto di tur kanto 6 - Papiamento bible

E kanto di tur kanto 6

¹Na unda bo amor a bai antó, mucha bunita? Kua direkshon el a kohe? Nos ke yuda bo busk'é.

²Mi amor a tumba pa su hòfi, bai n'e kamanan di yerb'i bálsamo pa gosa barika yen den su matanan i piki leli.

³Mi ta di mi amor i mi amor ta di mi. E ta gosa barika yen meimei dje lelinan.

⁴Bo ta bunita, dushi di mi, mes bunita ku e siudat Tirsa,[20], mes elegante ku Herusalèm, ma tambe fasinante manera un ehérsito marchando tra'i bandera.[21]

⁵No wak mi asina, bo wowonan ta tolondrá mi. Bo kabei ta pone mi kòrda trupa di kabritu dartu, ku manera ola ta lora baha for di serunan di Guilead.

⁶Bo djentenan parse un trupa di karné, ora nan sali fo'i bak'i awa, kada un ku su pia di ohochi, niun no ta so.

⁷Tras di bo belo bo dos band'i karanan ta rondó i kòrá manera dos mitar granatapel.

⁸Tin sesenta reina, ochenta konkubina, un sin número di mucha muhé,

⁹pero manera mi palomita, ún so tin, e so ta perfekto. Pa su mama no tin manera e, den su bista e ta esun di mas bunita. E mucha muhénan ku mir'é ta konsider'é felis; e reina- i konkubinanan ta elogi'é:

¹⁰‘Ken ta pinta[22] manera ourora, ta kla manera luna, radiante manera solo, fasinante manera un ehérsito marchando tra'i bandera?’[23]

¹¹M'a tumba p'e hòfi di pal'i nechi pa mira si spreitnan a sali den vaye, si matanan di wendrùif a rama kaba i si palunan di granatapel ya a floria.

¹²Mi no ta kaba di komprondé, t'asina mi ta, kargando energia di mi pueblo noble.[24]

¹³ Otra, otra, Shulamita![25] Drei rònt, drei rònt, nos ke gosa bo! Ki gosa Shulamita kiko! E ta eksperto antó den baile di dos kampo?