Read Papiamento E kanto di tur kanto 8 Bible Online

E kanto di tur kanto 8 - Papiamento bible

E kanto di tur kanto 8

¹Ai, mare bo tabata mi ruman hòmber, ku a bebe lechi di mi mama! Antó ora nos lo a topa, lo mi por a sunchi bo sin ku esei lo a pone mi na bok'i pueblo.

²E ora ei lo mi a kohe bo man tene hiba bo kas di mi mama i lo bo a bira mi maestro di amor;[27] ami lo a ofresé bo un traguito di biña aromátiko, o di nèktar di mi granatapelnan.

³Su brasa robes ta bou 'i mi kabes, esun drechi ta primi mi den su kurpa.

⁴O, damitanan di Herusalèm, mi ke puntra boso ku insistensia: Pakiko lanta stimashon, pakiko probok'é, promé ku e mes ke tum'aden?[28],

⁵Ta ken esei, esun ku ta bini for di den desierto ayá, ilèn riba su amor? Ta bou di e palu di apel mi a spièrta bo amor, e mes lugá kaminda bo mama a haña doló di parto, kaminda esun ku tabatin doló di parto a trese bo na mundu.

⁶Pone mi na bo kurason manera e rench'i seyo kologá na bo garganta; bisti mi na bo brasa manera e piedra ku bo nòmber grabá. Sí, amor ta mes poderoso ku morto, skapa di pashon mes imposibel ku skapa di graf. Su chispanan ta chispa di kandela, vlandam di SEÑOR.

⁷Tur awa di laman no ta kapas pa paga e kandela di amor, niun riu no por lab'é bai kuné. I ken ku pensa di por kumpr'é, ni maske e ofresé tur su rikesa, lo e keda bochorná.

⁸Nos tin un ruman muhé hóben, su pechunan no a sali ainda. Kiko nos lo hasi, ora un hende pidi pa namor'é?

⁹Si nos ruman resultá un muraya, nos ta pone baluarte di plata riba dje, pero si e ta un porta habrí, nos ta klab'é ku balki di seder!

¹⁰Mi tabata un muraya, mi pechunan manera e torennan riba dje. Pero el a kambia mi, n'e m'a entregá mi fòrti.[29]

¹¹Salomon tin un hòfi di wendrùif[30] na Baal-Hamon. El a konfi'é den man di guardianan. Hende tabata paga kasi mil[31] moneda di plata pa e frutanan di e hòfi.

¹²Salomon, keda ku bo mil monedanan numa, i boso, guardianan, ku e dosshen! Mí hòfi di wendrùif[32] sí, t'ami mes ta kuid'é.

¹³Mi dushi, aya den bo hardin, mi kompañeronan ta habri nan orea pa tende loke bo ta bisa. Laga ámi so tende:

¹⁴Kore, mi amor, kore manera gasela, manera yu 'i biná riba serunan yen di yerb'i bálsamo!