Read Papiamento Numbernan 29 Bible Online

Numbernan 29 - Papiamento bible

Numbernan 29

¹Reuní riba e promé dia di e di shete luna pa adorá SEÑOR; no traha e dia ei. Toka tròmpèt e dia ei.

²Ofresé un sakrifisio di kandela ku un holó agradabel pa SEÑOR di un toro yòn, un chubatu di karné i shete lamchi chubatu di karné di un aña, sin niun defekto.

³Hasi tambe e ofrendanan vegetal di hariña fini mesklá ku zeta ku ta pertenesé n'e; seis kilo huntu ku e toro, kuater kilo huntu ku e chubatu di karné

⁴i dos kilo huntu ku kada un di e shete lamchi chubatu di karnénan.

⁵Ofresé tambe un chubatu komo sakrifisio pa pordon di piká pa drecha tur kos entre boso i SEÑOR.

⁶Ofresé tur eseinan huntu ku e sakrifisio di kandela di tur luna i di tur dia i huntu ku e ofrendanan vegetal i ofrendanan di biña ku segun instrukshon ta pertenesé na nan. Ta un sakrifisio di kuminda ku un holó agradabel pa SEÑOR.

⁷Reuní atrobe riba e di dies dia di e di shete luna pa adorá SEÑOR. No traha, ma yuna e dia ei.

⁸Ofresé un sakrifisio di kandela ku un holó agradabel pa SEÑOR di un toro yòn, un chubatu di karné i shete lamchi chubatu di karné di un aña, sin niun defekto.

⁹Hasi huntu tambe e ofrendanan vegetal di hariña fini mesklá ku zeta, seis kilo huntu ku e toro, kuater kilo huntu ku e chubatu di karné

¹⁰i dos kilo huntu ku kada un di e shete lamchinan.

¹¹Ofresé tambe un chubatu komo sakrifisio pa pordon di piká, aparte di e sakrifisio pa pordon di piká pa drecha tur kos entre boso i Dios, di e sakrifisio di kandela, di e ofrenda vegetal i di e ofrendanan di biña ku ta pertenesé na nan.

¹²Reuní tambe riba e di diessinku dia di e di shete luna pa adorá SEÑOR. No traha e dia ei i hasi fiesta shete dia largu na honor di SEÑOR.

¹³Ofresé SEÑOR riba promé dia di e fiesta un sakrifisio di kandela, un sakrifisio di kuminda ku un holó agradabel pa SEÑOR di diestres toro yòn, dos chubatu di karné i dieskuater lamchi chubatu di karné di un aña, sin niun defekto.

¹⁴Hasi huntu tambe e ofrendanan vegetal di hariña fini mesklá ku zeta, seis kilo huntu ku kada toro, kuater kilo huntu ku kada chubatu di karné

¹⁵i dos kilo huntu ku kada un di e dieskuater lamchinan.

¹⁶Ofresé tambe un chubatu komo sakrifisio pa pordon di piká aparte di e sakrifisio di kandela di tur dia, e ofrenda vegetal i e ofrenda di biña ku ta pertenesé n'e.

¹⁷Ofresé SEÑOR for di e di dos dia te e di shete dia, aparte di e sakrifisio di kandela di tur dia i e ofrenda vegetal ku e ofrendanan di biña ku ta pertenesé n'e, e siguiente bestianan, sin niun defekto, komo sakrifisio di kandela, kompañá pa e ofrendanan vegetal i e ofrendanan di biña preskribí: riba e di dos dia: diesdos toro yòn, dos chubatu di karné i dieskuater lamchi chubatu di karné di un aña, ademas un chubatu komo sakrifisio pa pordon di piká; riba e di tres dia: diesun toro yòn, dos chubatu di karné i dieskuater lamchi chubatu di karné di un aña; ademas un chubatu komo sakrifisio pa pordon di piká; riba e di kuater dia: dies toro yòn, dos chubatu di karné i dieskuater lamchi chubatu di karné di un aña; ademas un chubatu komo sakrifisio pa pordon di piká; riba e di sinku dia: nuebe toro yòn, dos chubatu di karné i dieskuater lamchi chubatu di karné di un aña; ademas un chubatu komo sakrifisio pa pordon di piká; riba e di seis dia: ocho toro yòn, dos chubatu di karné i dieskuat(...)

³⁵Reuní riba e di ocho dia na honor di SEÑOR; no traha e dia ei.

³⁶Ofresé un sakrifisio di kandela ku un holó agradabel pa SEÑOR di un toro yòn, un chubatu di karné i shete lamchi chubatu di karné di un aña, sin niun defekto,

³⁷ku e ofrenda vegetal i e ofrendanan di biña ku segun preskripshon ta pertenesé na kada un di e bestianan akí.

³⁸Ofresé tambe un chubatu komo sakrifisio pa pordon di piká aparte di e sakrifisio di kandela di tur dia, e ofrenda vegetal i e ofrenda di biña ku ta pertenesé n'e.

³⁹Esakinan ta e sakrifisionan ku boso mester ofresé SEÑOR riba boso dianan di fiesta. Banda di nan ta bini sakrifisio di kandela, ofrenda vegetal, ofrenda di biña i sakrifisio di pas, ku boso ta hasi boluntariamente òf pa kumpli ku un promesa.’

⁴⁰ Tur e kosnan akí Moises a bisa e israelitanan, manera SEÑOR a orden'é.