Read Papiamento Numbernan 31 Bible Online

Numbernan 31 - Papiamento bible

Numbernan 31

²‘Tuma vengansa pa e israelitanan riba e midianitanan; despues lo bo bai sosegá serka bo antepasadonan.’

³E ora ei Moises a bisa e pueblo: ‘Laga poko di boso hòmbernan prepará pa bai guera. Nan mester sali bai bringa kontra e midianitanan pa tuma vengansa riba nan den nòmber di SEÑOR.

⁴Manda for di kada tribu di Israel mil hòmber pa bai bringa.’

⁵Asina a skohe mil hòmber for di kada tribu, na total 12.000 hòmber bon itrein pa bataya.

⁶E ora ei Moises a laga nan ranka sali, mil di kada tribu, huntu ku Pinhas, yu hòmber di saserdote Eleazar. Pinhas tabata karga e ophetonan sagrado i e tròmpètnan pa duna señal.

⁷Nan a ataká e midianitanan, manera SEÑOR a ordená Moises, mata tur hende hòmber.

⁸Den nan tabatin e sinku reinan di Midian: Ewi, Rèkèm, Shur, Hur i Reba. Tambe nan a mata Bileam, yu hòmber di Beor.

⁹E israelitanan a kohe e muhé midianitanan i e muchanan prezu, i a bai ku tur baka, karné i sobrá propiedat komo botin.

¹⁰Nan a pega tur siudat i tur kampamentu di e midianitanan na kandela.

¹¹Nan a bai ku tur botin, ku tur bestia i ku tur prezu

¹²i a hiba nan pa Moises, pa saserdote Eleazar i pa e komunidat di e israelitanan den kampamentu den vaye di Moab, kantu di riu di Yordan pegá ku Yériko.

¹³Moises, saserdote Eleazar i tur hefe di e komunidat a bai topa nan pafó di kampamentu.

¹⁴Moises a bira furioso riba e hefenan di mil i di shen, ku tabata e komandantenan di e ehérsito, ku tabata bini bèk for di bataya.

¹⁵El a bisa: ‘Kiko, boso a laga tur e muhénan keda na bida?

¹⁶Ta nèt nan, riba konseho di Bileam, tabata e kousa, ku e israelitanan a bira lomba pa SEÑOR na Peor, di manera ku un plaga a kastigá e pueblo di SEÑOR.

¹⁷Ban mira, mata tur hóben hòmber; mata tambe tur hende muhé ku a tene relashon ku hende hòmber.

¹⁸Pero tur mucha muhé ku ta señorita ainda, boso mag laga na bida pa boso mes.

¹⁹Keda shete dia pafó di kampamentu i tur hende ku a mata un hende òf ku a mishi ku un hende ku a muri den guera, mester purifiká nan mes riba e di tres i e di shete dia; esei ta konta pa boso mes i pa e señoritanan ku boso tin prezu.

²⁰Purifiká tambe tur paña i tur kos trahá di kueru, di lana di kabritu i di palu.’

²¹Saserdote Eleazar a bisa e hòmbernan ku a partisipá na e bataya: ‘Esaki e lei ku SEÑOR a duna Moises ta preskribí:

²²Purifiká oro i plata, bròns, heru, staña i chumbu, tur loke no por kima, promé ku kandela i despues ku awa di purifikashon i purifiká tur loke por kima, solamente ku awa di purifikashon.

²³

²⁴Laba boso paña riba e di shete dia akí, pa boso bira puru. Kaba boso por drenta kampamentu atrobe.’

²⁵SEÑOR a bisa Moises:

²⁶‘Konta abo huntu ku Eleazar i e otro hefenan kuantu hende i kuantu bestia boso a kita for di e midianitanan.

²⁷Duna esnan ku a partisipá na e bataya mitar di e botin i sobrá di e komunidat e otro mitar.

²⁸Tuma for di e hòmbernan ku a partisipá na e bataya un kontribushon pa SEÑOR; tuma di kada sinku shen: un hende, un baka, un buriku i un karné.

²⁹Kita esei for di nan parti i duna saserdote Eleazar e komo kontribushon pa SEÑOR.

³⁰Kita for di e parti di e sobrá israelitanan tantu for di hende komo for di baka, buriku i karné, for di tur bestia, ún di kada sinkuenta i duna e levitanan ku ta sirbi den e tènt sagrado di SEÑOR.’

³¹Moises ku saserdote Eleazar a hasi loke SEÑOR a ordená Moises.

³²Lo siguiente a sobra di e botin ku e sòldánan a hòrta bai kuné: 675.000 karné i kabritu, 72.000 baka, 61.000 buriku i 32.000 mucha muhé ku tabata señorita ainda.

³³

³⁴

³⁵

³⁶Mitar di nan, pa e parti di e hòmbernan ku a partisipá na e bataya, tabata: 337.500 karné i kabritu, di kua 675 tabata e kontribushon pa SEÑOR; 36.000 baka, di kua 72 tabata e kontribushon pa SEÑOR; 30.500 buriku di kua 61 tabata e kontribushon pa SEÑOR; 16.000 mucha muhé di kua 32 tabata e kontribushon pa SEÑOR.

³⁷

³⁸

³⁹

⁴⁰

⁴¹Moises, a duna saserdote Eleazar e kontribushon pa SEÑOR, manera SEÑOR a ordená Moises.

⁴²E otro mitar, ku tabata destiná pa e israelitanan ku Moises no a laga partisipá na e bataya, e parti pa sobrá di e komunidat, tabata tambe: 337.500 karné i kabritu; 36.000 baka, 30.500 buriku i 16.000 mucha muhé.

⁴³

⁴⁴

⁴⁵

⁴⁶

⁴⁷For di e mitar pa e israelitanan Moises a kita ún for di kada sinkuenta, tantu for di hende komo for di bestia, i a duna e levitanan ku ta sirbi n'e tènt sagrado di SEÑOR, manera SEÑOR a ordená Moises.

⁴⁸E komandantenan di e departamentonan di ehérsito, e hefenan di mil i shen, a bini serka Moises

⁴⁹i bisa: ‘Bo sirbidónan a konta e hòmbernan ku tabata bou di nos komando i no falta niun di nan.

⁵⁰P'esei nos ta ofresé SEÑOR e ophetonan di oro ku nos a kohe bai kuné komo ofrenda: kadena di pia, armbant, renchi ku seyo, renchi di orea i kadena, pa nan drecha tur kos entre nos i SEÑOR.’

⁵¹Moises ku Eleazar a tuma tur e prendanan di oro ei.

⁵²E oro ku nan a risibí for di e hefenan komo kontribushon pa SEÑOR, tabata pisa en total kasi dosshen kilo.

⁵³Tabata asina ku e sòldánan a kohe kos bai kuné pa nan mes tambe.

⁵⁴Moises i saserdote Eleazar a tuma e oro for di e hefenan di mil i di shen i hib'é tènt di enkuentro, pa SEÑOR kòrda riba e israelitanan.