Read Papiamento Yozue 15 Bible Online

Yozue 15 - Papiamento bible

Yozue 15

¹E teritorio ku e famianan di tribu di Huda a haña, ora a tira lòt, tabata yega te na frontera di Edom, na desierto Sin i e punta di mas zùit di Neguèb.

²Parti zùit e frontera tabata kuminsá na kosta zùit di Laman Morto,

³pasa zùit di Pasashi di Skarpion i sigui bai Sin. E tabata pasa zùit di Kadesh-Barnea, sigui bai Hèsron, yega te na Adar, lora bai Karka pa e sigui di ei bai

⁴Asmon i bin sali na e roi parti ost di Egipto, bai kaba den laman. Esaki tabata pa henter Israel e frontera parti zùit.

⁵Parti ost e frontera tabata kore pareu ku Laman Morto i tabata yega te na boka di riu Yordan. Einan kantu di awa e frontera parti nort tabata kuminsá.

⁶E tabata subi bai Bet-Hogla, pasa nort di Bet-Araba, sigui subi te na baranka di Bohan. (Bohan tabata un yu hòmber di Ruben.)

⁷Despues e frontera tabata subi di vaye di Akor bai Debir, lora na nort bai Guilgal, ku tabata dilanti di Pasashi di Adumim i zùit di e riu, pasa banda di bròn di En-Shèmèsh i sali na En-Rogel.

⁸Djei e tabata pasa den vaye Bèn-Hinom kantu di bahada zùit di e seru di e yebusitanan, esta Herusalèm, subi kabes di e seru ku ta keda parti wèst dilanti di vaye Bèn-Hinom, kaminda parti nort vaye di e refaítanan ta kaba.

⁹Di e kabes di seru e frontera tabata lora bai bròn di Nèftoag pa e sigui bai sali na e siudatnan di e serunan di Efron i lora bai Baala, esta Kiriat-Yearim.

¹⁰For di Baala e frontera tabata bolbe bai den direkshon wèst i lora bai seru Seír. Despues e tabata pasa nort di e bahada di seru di Yearim, kaminda Kesalon ta keda, baha bai te na Bet-Shèmèsh i sigui bai Timna.

¹¹Djei e frontera tabata pasa parti nort di seru di Ekron, lora bai Shikaron, bai seru di Baala, sali na Yabneel pa bin kaba den laman.

¹²E frontera wèst tabata kosta di Laman Mediteráneo. Esaki ta na tur banda e fronteranan di teritorio di e famianan di tribu di Huda.

¹³Riba òrdu di SEÑOR, Yozue a duna Kaleb, yu di Yefune, un pida tera den e teritorio di tribu di Huda. Kaleb a haña Kiriat-Arba, ku awor yama Hebron. Arba tabata tata di Anak.

¹⁴Kaleb a kore ku e tres desendientenan di Anak, esta Sheshai, Ahiman i Talmai.

¹⁵For di ei el a bai ataká e habitantenan di Debir, ántes yamá Kiriat-Sefèr.

¹⁶Kaleb a bisa: ‘Esun ku ataká i konkistá Kiriat-Sefèr mi ta laga kasa ku mi yu muhé Aksa.’

¹⁷Otniel, yu hòmber di Kenaz ku ta ruman di Kaleb, a konkistá e siudat. E ora ei Kaleb a lag'é kasa ku su yu muhé Aksa.

¹⁸Ora Aksa a yega Debir, el a konvensé Otniel pa pidi Kaleb un pida tera. Ora Kaleb a mira su yu Aksa baha for di buriku el a puntr'é: ‘Kiko bo ke?’

¹⁹Aksa a kontestá: ‘Duna mi un regalo di kasamentu. Ya ku bo a duna mi tera seku, duna mi poko bròn tambe.’ E ora ei Kaleb a dun'é e brònnan ku ta keda den e partinan altu i den e partinan mas abou.

²⁰Ata e propiedat ku tribu di Huda a haña. Nan a parti e teritorio segun famia.

²¹E siudatnan mas alehá, ku tabata keda na frontera di Edom parti zùit, tabata: Kabseel, Edèr, Yagur,

²²Kina, Dimona, Adada,

²³Kèdèsh, Hasor, Yitnan,

²⁴Zif, Tèlèm, Bealot,

²⁵Hasor-Hadata i Keriot-Hèsron, esta Hasor,

²⁶Amam, Shema, Molada,

²⁷Hasar-Gada, Hèshmon, Bet-Pèlèt,

²⁸Hasar-Shual, Beer-Shèba ku e siudatnan ku ta pertenesé n'e,[8]

²⁹Baala, Iyim, Esèm,

³⁰Eltolad, Kesil, Horma,

³¹Siklag, Madmana, Sansana,

³²Lebaot, Shilhim, En-Rimon; na tur 29 siudat i nan pueblonan.

³³Den vaye di Shefela: Eshtaol, Sora, Ashna,

³⁴Zanoag, En-Ganim, Tapuag, Enam,

³⁵Yarmut, Adulam, Soko, Azeka,

³⁶Shaaraim, Aditaim, Guedera i Guederotaim, esta 14 siudat i nan pueblonan.

³⁷E siudatnan Senan, Hadasa, Migdal-Gad,

³⁸Dilan, Mispa, Yokteel,

³⁹Lakish, Boskat, Eglon,

⁴⁰Kabon, Lamas, Kitlish

⁴¹Guederot, Bet-Dagon, Naama i Makeda, esta 16 siudat ku nan pueblonan.

⁴²E siudatnan Libna, Etèr, Ashan,

⁴³Yiftag, Ashna, Nesib,

⁴⁴Keila, Akzib i Maresha, esta 9 siudat i nan pueblonan.

⁴⁵Siudat Ekron ku e siudat- i pueblonan rondó di dje

⁴⁶i for di Ekron te na laman henter e teritorio serka di Ashdod ku su pueblonan.

⁴⁷Siudat Ashdod ku e siudat- i pueblonan rondó di dje, tambe siudat Gaza ku e siudat- i pueblonan rondó di dje te na e roi parti ost di Egipto i kosta di Laman Mediteráneo.

⁴⁸Den e region di seru e hudeonan a haña e siguiente siudatnan: Shamir, Yatir, Soko,

⁴⁹Dana, Kiriat-Sana (esta Debir),

⁵⁰Anab, Eshtemoa, Anim,

⁵¹Goshen, Holon i Guilo, esta 11 siudat ku nan pueblonan.

⁵²E siudatnan Arab, Duma, Eshan,

⁵³Yanum, Bet-Tapuag, Afeka,

⁵⁴Humta, Kiriat-Arba (esta Hebron) i Sior, esta 9 siudat ku nan pueblonan.

⁵⁵E siudatnan Maon, Karmel, Zif, Yuta,

⁵⁶Yizreel, Yokdeam, Zanoag,

⁵⁷Kain, Guibea i Timna, esta 10 siudat ku nan pueblonan.

⁵⁸E siudatnan Halhul, Bet-Sur, Guedor,

⁵⁹Maarat, Bet-Anot i Eltekon, esta 6 siudat ku nan pueblonan,

⁶⁰e dos siudatnan Kiriat-Baal, (esta Kiriat-Yearim) i Raba ku nan pueblonan,

⁶¹den desierto: Bet-Araba, Midin, Sekaka,

⁶²Nibshan, Ir-Hamelag i En-Gèdi, esta 6 siudat i nan barionan.

⁶³Pero Huda no por a kore ku e yebusitanan ku tabata biba na Herusalèm. P'esei te dia djawe e yebusitanan i e hendenan di Huda a keda biba huntu na Herusalèm.