Read Pashto (Nangahari) — د پښتو مقدس کتاب دوهم سموئيل 22 Bible Online

دوهم سموئيل 22 - Pashto (Nangahari) — د پښتو مقدس کتاب bible

دوهم سموئيل 22

¹کله چې څښتن داود د شائول او د هغه د نورو دښمنانو څخه خلاص کړ، داود څښتن ته دا سندره وویله.

²هغه وویل: ”څښتن دی زما ساتونکی دی زما قوي کلا

³زما ساتونکی زما خدای دی زما امن دی هغه کې کړي ساتنه لکه سپر زما زما دفاع کوي ساتي مې خوندي دی څښتن زما ژغورونکی کړي دفاع هغه ساتي مې تشدد نه

⁴مرسته غواړم له څښتنه چې لایق دی د صفت خلاصوي به مې هغه ما له خپلو دښمنانو

⁵د مرګ څپې رانه راتاوې شولې د بربادۍ سیلابو واخیستمه

⁶پښې مې د ګور رسۍ کې ونښتلې مرګ راته لاره کې خپل دام ایښی ؤ

⁷په خپل تکلیف کې مې څښتن ته غږ کړ کومک دپاره مې خپل خدای ته غږ کړ زما اواز یې په خپل کور کې واورېد زما فریاد یې د کومک واورېده

⁸بیا ځمکې وخوړ ټکان ولړزېده شوې په خوځېدو د اسمانو ستنې ځکه په قهر ؤ خدای

⁹شو له سپېږمو نه یې راپورته لوګی بلې لمبې او سرې سکروټې یې بادېدلې د خولې

¹⁰ده کړې خلاصې دروازې د اسمانونو او راکوز شو تورې ورېځې وې د ده تر پښو لاندې

¹¹هغه سپور په کروب شولو او والوته سپور شو په وزرو د باد ژر راغی

¹²ځان ته جوړه یې پرده کړه له تیارې نه د اوبو ډکې ټینګې ورېځې وې چاپېره د ده

¹³د جلال نه د هغه د موجودیت وکړلې لمبې سکروټو وکړلې

¹⁴لکه تندر څښتن وکړلې خبرې له اسمانه اواز شو د مطلق قادر څښتن په اورېدو

¹⁵وویشتل هغه خپل غشي، دښمنان یې تار په تار کړل د برېښنا په پړکېدو یې ماتې ورکړه

¹⁶دښمنان چې کله ورټل څښتن خپل د هغه د تنفس په انفجار تل د سمندر هم راښکاره شولو وو پراته د ځمکې بنسټونه لوڅ

¹⁷له اسمانه څښتن لاس خپل کړ را اوږد ویې نیولم له ژورو اوبو ده راوویستلم

¹⁸زه یې کړمه له قوي دښمنه خلاص او له هغو چې نفرت یې کړ له ما نه دوی وو ډېر قوي له ما نه

¹⁹هغه وخت کې چې زه ومه په تکلیف کې دوی حمله وکړه په ما خو څښتن زه حمایه کړم

²⁰له خطره یې کړم بچ مرسته یې وکړه ځکه یې کړم بچ چې ؤ راضي له ما

²¹اجر راکوي څښتن ځکه کړم کارونه نېک یمه بې ګناه ځکه انعام راکوي ماته

²²ما د څښتن د قوانینو اطاعت کړی دی نه مې د بدۍ په خاطر مخ له خپل خدای پاک نه اړولی دی

²³ما عمل کړی د هغه په قوانینو ټولو نافرماني مې کړې نه ده له حکمونو د ده

²⁴هغه پوهیږي زه بې عیبه یمه بدو کارونو نه مې ځان ساتلی

²⁵نو اجر راکوي څښتن ځکه کړم کارونه نېک هغه پوهیږي بې ګناه یمه زه

²⁶ای څښتنه، وفادار یې هغه چاته چې وي تاته وفادار تل نېکي کړې د هغو سره چې وي بې عیبه

²⁷پاک ته خپل ځان پاک ښایې ټګجن ته ځان پېچلی

²⁸ته عاجزانو ته نجات ورکوې خو کبرجن ټیټوې

²⁹ته زما ډېوه یې ای څښتنه چې بدلوې زما تیارې په رڼا

³⁰راکوې قوت چې کړم ناتار په دښمن راکوې قدرت په دېوالو د ختو

³¹ګوره زما پاک خدای څومره کامل یې عملونه دي څومره د باور یې ټول لوظونه دي هغه دی ډال هغو ته ټول چې یې پناه ده ته راوړې ده

³²صرف څښتن دی خدای کړي چې په یوازې ځان دفاع زمونږ

³³دی دا خدای پاک زما ځواکمن پناه ځای هغه زما لاره خوندي ساتي

³⁴زه ثابت قدم لکه هوسۍ یې کړم ساتي مې خوندي په تورو غرونو کې

³⁵هغه ما تیاروي د جنګ دپاره ترڅو زه کړمه راکش لینده د زېړو

³⁶ډال راکوې ماته د خلاصون خپل زه پیاوړی کړی ستا کومک یمه

³⁷ته پراخوې زما د پښو لاره ځکه نه ښوئیږي پښې زما هیڅکله

³⁸دښمنان تعقیبوم او ماتوم یې نه راګرځم تر هغې چې یې نابود کړم

³⁹داسې یې وهم چې پاڅېدی نه شي دي زما د پښو لاندې نسکور پراته

⁴⁰راکوې ما له ته قوت د جګړې غورزوې ماته دښمنان په پښو کې

⁴¹مجبوروې دښمنان زما تېښتې ته زه تباه کوم هغه چې کرکه کړي زما ځنی

⁴²دوی د کومک دپاره لټه کوي نشته څوک چې کړي دوی خلاص وهي چیغې دوی څښتن ته هغه نه ورکوي دوی ته ځوابونه

⁴³لکه د دوړې میده کومه یې زه داسې تر پښو لاندې کومه یې زه لکه د خټو د کوڅو په شانتې

⁴⁴تا زه د خپلو سرکشانو څخه خلاص کړلمه او د قومونو دې سردار پرېښودم اوس مې خدمتونه هغه خلک کوي څوک چې پخوا نه پېژندل ما کله

⁴⁵هم بهرنیان زما په مخ کې ټیټوي سرونه چې کله اوري زما په هکله اطاعت مې کوي

⁴⁶دوی بایلي خپل همتونه په لړزه باندې راوزي دوی له خپلو کلاګانو

⁴⁷څښتن ژوندی دی! ده ستاینه ساتندوی لره زما! د هغه ځواکمن خدای کړئ لویي اعلان چې مې ژغوري چې مې ژغوري

⁴⁸راکوي ماته توفیق چې بدل واخلم له دښمنه راولي زما د ځواک لاندې قومونه

⁴⁹او ما له خپلو دښمنانو خلاصوي راکوې بریا په غلیمانو ای څښتنه ته او ما ساتې له ظالمو انسانانو

⁵⁰ځکه نو څښتنه د قومونو منځ کې ستا کوم ستاینه وایمه زه ستا د صفت سندرې

⁵¹خدای ورکوي لویې بریاوې خپل پادشاه ته مینه تل عمري کوي د خپل غوره کړای شوي سره تل تر تله د داود او د هغه د اولادې سره“