Read Pashto (Nangahari) — د پښتو مقدس کتاب دوهم سموئيل 23 Bible Online

دوهم سموئيل 23 - Pashto (Nangahari) — د پښتو مقدس کتاب bible

دوهم سموئيل 23

¹نو دا د داود اخرنۍ خبرې دي: د یسي د زوی داود خبرې د هغه سړي خبرې چې خدای لوړ مقام ورکړی ؤ چې ټاکلی هغه خدای ؤ د یعقوب سندرغاړی چې ؤ خوږ د اسراییلو

²”د څښتن روح خبرې زما په وسيله کولې د هغه کلام جاري ؤ زما په ژبه

³د اسراییلو خدای خبرې کړلې د اسراییل ساتونکي وویل ماته کله چې څوک په خلکو وکړي حکومت په عدل کله چې وکړي حکومت د خدای له وېرې سره

⁴په شان دی د سهار د رڼا وي چې لمر خاته کې وي په سهار چې په بې ورېځو سهار د هغې رڼا په شان چې راپیدا پس د باران شي چې واښه راشنه کوي په ځمکه باندې

⁵رښتیا، همداسې چلند زما د اولادې سره به هم کیږي خدای کړی زما سره دی لوظ ښه تلپاتې لوظ هرڅه صحیح دي تنظیم شوي سره هغه به هیڅکله د ژمنې خپلې شاته نه شي زما همدغه تمنا ده ټوله دا یقیني ده چې خدای ما سره به مرسته وکړي دا یقیني ده چې هغه به دا ترسره کړي ټول

⁶خو دي بدکاره خلک په څېر د اغزو غورزول کیږي چې د ځانه ځنی چې په لاسو راټولېدلی نه شي

⁷هرڅوک چې اغزي لمس کړي کاروي دی اوسپنیز سامان یا لاستی د نېزې هلته به سوزیږي په کوم ځای چې وي پراته هغه“

⁸دا د داود د لښکرو درې نامتو جنګیالي وو: لومړی یې تحکموني یوشیب بشبت ؤ چې د دې زړورو مشر ؤ. هغه په خپلې نېزې باندې د اته سوه نفرو سره وجنګېده او هغوی ټول یې په یو وخت کې ووژل.

⁹دوهم یې العازار ؤ چې د دودو زوی ؤ او د اخوخ د خېل څخه ؤ. یوه ورځ چې فلسطینیان د اسراییلو سره د جګړې دپاره راغونډ شوي وو، هغه او داود فلسطینیان د جګړې دپاره راوپارول. اسراییلیان بېرته په شا شول،

¹⁰مګر العازار په میدان کې ودرېد او تر هغې پورې د فلسطینیانو سره وجنګېده چې لاس یې دومره شخ شو چې هغه نه شو کولی د خپلې تورې څخه یې لېرې کړي. په دغه ورځ څښتن اسراییلیانو ته لوی بری ورکړ. وروسته له هغې چې دا هرڅه پای ته ورسېدل اسراییلیان هغه ځای ته راستانه شول چې العازار په کې ؤ، مګر یوازې د دې دپاره چې وژل شوي عسکر لوټ کړي.

¹¹دریم یې شمه د حراري آجي زوی ؤ. فلسطینیان په لحي کې چېرته چې د نسکو پټی ؤ راغونډ شول. اسراییلیان د فلسطینیانو څخه وتښتېدل،

¹²مګر شمه د پټي په منځ کې ټینګ ودرېد، د هغه څخه یې دفاع وکړه او فلسطینیان یې ووژل. په دغه ورځ څښتن اسراییلیانو ته لوی بری ورکړ.

¹³یو ځل د لو د پیل کېدلو وخت نژدې ؤ چې د داود د دېرشو افسرانو څخه درې تنه د عدولام سمڅې ته چې داود په کې ؤ ورغلل، په هغه وخت کې د فلسطینیانو یوې ډلې د رفائیم په دره کې خېمې ودرولې وې.

¹⁴داود هغه وخت په خپل محفوظ ځای کې ؤ او د فلسطینیانو یوې ډلې بیت لحم نیولی ؤ.

¹⁵داود ارمان وکړ او ویې ویل: ”کاشکې څوک د هغه کوهي څخه چې د بیت لحم دروازې ته نژدې دی ماته اوبه راوړي.“

¹⁶نو هغو دریو زړورو نفرو د فلسطینیانو کرښې ماتې کړې، د کوهي څخه یې اوبه راوویستلې او داود ته یې راوړې، مګر داود هغه ونه څښلې او هغه یې د نذرانې په توګه څښتن ته توی کړې.

¹⁷داود وویل: ”ای څښتنه، زه دا هیڅکله نه شم څښلی! دا به د هغو نفرو د وینو د څښلو په شان وي چې خپل ژوند یې په خطر کې اچولی ؤ!“ نو هغه دا اوبه ونه څښلې. د هغو دریو زړورو نفرو اتلولي دارنګه وه.

¹⁸ابیشای د یوآب ورور، چې مور یې زرویه وه، د دېرش کسیزه ډلې مشر ؤ. هغه په خپلې نېزې باندې د درې سوه نفرو سره وجنګېد او هغوی یې ووژل. نو په دې توګه هغه هم لکه د هغو دریو جنګیالیو په شان مشهور شو.

¹⁹که څه هم هغه په هغې دېرش کسیزې ډلې کې ډېر زیات مشهور او د هغوی مشر شو، مګر د هغو دریو تنو په شان مشهور نه شو.

²⁰بل توریالی عسکر بنایاه د یهویاداع زوی ؤ چې د قبصئیل څخه ؤ. هغه ډېر د زړورتوب کارونه کړي وو چې په هغو کې د دوو سترو موآبي جنګیالیو وژل شامل وو. یو ځلې هغه د واورې په ورځ یوې کندې ته ورکوز شو او یو زمری یې وواژه.

²¹همدارنګه هغه یو ډېر غټ مصری چې په نېزه باندې سمبال ؤ وواژه. بنایاه په خپل ډانګ باندې په هغه حمله وکړه، د هغه مصري د لاس څخه یې نېزه واخیسته او هغه یې ورباندې وواژه.

²²بنایاه داسې د زړورتوب کارونه وکړل چې د دریو جنګیالیو په منځ کې مشهور شو.

²³د هغه عزت د هغې دېرش کسیزه ډلې څخه ډېر زیات شو، مګر په دریو جنګیالیو کې نه شمېرل کېده. داود هغه د خپلو ساتونکو د ګارډ مشر وټاکه.

²⁴په دېرش کسیزه ډله کې دغه نفر وو: عساهیل د یوآب ورور. الحانان د دودو زوی د بیت لحم څخه.

²⁵شمه او الیقا د حرود څخه.

²⁶حالز فلتي. عیرا د عقیش زوی د تقوع څخه.

²⁷ابیعزر د عناتوت څخه. مبونای د حوشا څخه.

²⁸صلمون د اخوخ څخه. مهرای د نطوفه څخه.

²⁹حالب د بعنه زوی د نطوفه څخه. اتای د ریبای زوی د بنیامین د جبعې څخه.

³⁰بنایاه د فرعاتون څخه. هدای د جاعش د خوړونو څخه.

³¹ابي علبون د عربات څخه. عزموت د بحوریم څخه.

³²الیحبا د شعلبون څخه. د یاشن زامن. یوناتان.

³³شمه د حرار څخه. اخیام د شارر زوی د حرار څخه.

³⁴الیفلط د احسبای زوی د معکې څخه. الیعام د اخیتوفل زوی د جیلوه څخه.

³⁵حزرای د کرمل څخه. فعرای اربي.

³⁶یجال د ناتان زوی د صوبې څخه. باني د جاد څخه.

³⁷صالق د عمون څخه. نحرای د بیروت څخه یعنې هغه سړی چې د یوآب وسلې به یې وړلې.

³⁸عیرا یتري او جارب یتري.

³⁹اوریا حیتي. دا ټول اووه دېرش نفره وو.