Read Pashto (Nangahari) — د پښتو مقدس کتاب تاريخ اول 26 Bible Online

تاريخ اول 26 - Pashto (Nangahari) — د پښتو مقدس کتاب bible

تاريخ اول 26

¹دا هغه ډلې دى چا چې د مالِک خُدائ د کور د څوکيدارانو په توګه خِدمت کولو. د قورح د ډلې د قورى زوئ مسلمياه چې د آسف د کورنۍ وو،

²د هغۀ اووۀ زامن وُو چې د عُمر په ترتيب داسې دى: زکرياه، يديعيل، زبدياه، يتنى اېل،

³عيلام، يهوحنان او اليهوعينى.

⁴د عوبيد ادوم هم اتۀ زامن وُو، چې د عُمر په ترتيب داسې دى: سمعياه، يهوزبد، يوآخ، ساکار، نتانى ايل،

⁵عمى اېل، يساکار او فعُلتى.

⁶۶‏-۷ د عوبيد ادوم د مشر زوئ سمعياه شپږ زامن وُو: عُتنى، رفا‌اېل، عوبيد، الزباد، اليهُو او سماکياه. د خپل قابليت په وجه هغوئ ته په خپله ډله کښې زيات عزت مِلاو شو.

⁸د عوبيد ادوم کورنۍ ټول دوه شپېته ډېر زيات قابل سړى د دې کار دپاره ورکړل.

⁹د مسلمياه کورنۍ اتلس تکړه سړى ورکړل.

¹⁰د مرارى د ډلې حوساه څلور زامن وُو: سِمرى، خپل پلار دې د خپلو زامنو مشر جوړ کړو، اګر چې هغه د ټولو مشر نۀ وو.

¹¹خلقياه، طلبياه او زکرياه. د حوساه د کورنۍ ټول ديارلس کسان د مالِک خُدائ د کور څوکيداران وُو.

¹²د مالِک خُدائ د کور څوکيداران د هغوئ د کورَنو په مطابق په ډلو کښې تقسيم شوى وُو او هغوئ ته په هغه کور کښې د نورو ليويانو په شان ذِمه وارۍ حواله شوې وې.

¹³د هرې کورنۍ وړُوکوالى او غټوالى ته کتلو نه بغېر به پچه اچولے شوه چې د کومې يوې دروازې څوکيدارى ورته حواله کړے شى.

¹⁴د سلمياه د پچې په ذريعه د نَمرخاتۀ طرف ته دروازه ووتله او د هغۀ د زوئ زکرياه شمالى ‌طرف ته دروازه ووتله، دا هغه سړ‌ے وو چې همېشه يې د حِکمت مشورې ورکولې.

¹⁵عوبيد ادوم ته د جنوب طرف ته دروازه حواله شوې وه او د هغۀ زامنو ته د ګودام د کوټو څوکيدارى حواله شوې وه.

¹⁶سفيم او حوساه ته د نمرپرېواتۀ طرف ته دروازه او په پاسنۍ لار باندې د سلکت دروازه حواله شوې وه. د څوکيدارۍ ذِمه وارۍ په يو بل پسې په مقررو وختُونو کښې تقيسم کړې شوې وې.

¹⁷نَمرخاتۀ طرف ته هره ورځ شپږو څوکيدارانو کار کولو، په شمالى طرف باندې څلورو او په جنوبى طرف باندې څلورو څوکيدارانو کار کولو. څلور څوکيداران به هره ورځ د ګودام په کوټو باندې مقررولے شول، چې په هره يوه کوټه باندې دوه دوه وُو.

¹⁸د نَمرپريواتۀ طرف ته دربار سره په لاره باندې څلور څوکيداران وُو او په خپله په دربار باندې دوه څوکيداران وُو.

¹⁹دا د قورح او د مرارى ډلو د څوکيدارۍ ذِمه وارۍ دى.

²⁰نور ليويان د مالِک خُدائ د کور د ګودامونو ذِمه وار وُو او هغه ګودامونو کښې خُدائ پاک ته وقف شوى څيزُونه پراتۀ وُو.

²¹د جيرسون په ډله کښې د لِبنى د کورنۍ نه يحى ايل مشر وو.

²²د لعدان دوه نور زامن زيتام او يوئيل د مالِک خُدائ د کور د خزانو مشران وُو.

²³د عُمرام، اِضهار، حبرون او عُزئيل اولاد ته هم ذِمه وارۍ حواله شوې وې.

²⁴د موسىٰ زوئ جيرسوم د ډلې سبو اېل د مالِک خُدائ د کور د خزانې مشر آفسر وو.

²⁵د اِلعازار د طرف نه د جيرسوم خپلوان رحبياه، يشعياه، يورام، زکرى او سلوميت وُو.

²⁶سلوميت او د هغۀ خپلوان د هغه خزانو مشران وُو په کومو کښې چې هغه تُحفې پرَتى وې چې هغه داؤد بادشاه، د کورَنو مشرانو او وړو او غټو فوجى آفسرانو مالِک خُدائ ته وقف کړې وې.

²⁷هغوئ څۀ هغه مالِ غنيمت واخستلو کوم چې هغوئ په جنګ کښې قبضه کړے وو او دا يې وقف کړو چې د مالِک خُدائ په کور کښې اِستعمال شى.

²⁸سلوميت او د هغۀ کورنۍ د هغه هر څيز مشران وُو چې کوم د مالِک خُدائ په کور کښې د اِستعماليدلو دپاره وقف وُو، سره د هغه تُحفو چې سموئيل پېغمبر، ساول بادشاه، د نير زوئ ابنير، او د ضروياه زوئ يوآب راوړې وې.

²⁹د اِضهار په ډله کښې کنانياه او د هغۀ زامنو ته د مالِک خُدائ د کور نه علاوه ذِمه وارۍ حواله شوې وې: هغوئ به حِساب کِتاب ساتلو او د بنى اِسرائيلو لانجې به يې هوارولې.

³⁰د حبرون د ډلې نه حسبياه او د هغۀ اوولس سوه خپلوان، چې تکړه سړى وُو هغوئ د اُردن سيند نمرپرېواتۀ طرف ته په بنى اِسرائيلو کښې د مالِک خُدائ د خِدمت او د بادشاه د کار مشران مقرر شوى وُو.

³¹يرياه د حبرون د اولاد مشر وو. د داؤد بادشاه د بادشاهۍ په څلوېښتم کال د حبرون د اولاد نسب نامه معلومه کړے شوې وه او د دې کورنۍ تکړه فوجيان موندلے شوى وُو چې د جِلعاد په علاقه يعزير کښې اوسېدل.

³²د يرياه په خپلوانو کښې دوه زره او اووۀ سوه تکړه سړى وُو. داؤد بادشاه هغوئ د اُردن سيند نَمرخاتۀ طرف ته ولېږل او هغوئ يې د روبين، جاد او منسى د نيمې قبيلې مشران مقرر کړل. هغوئ د هغه ټولو کارونو ذِمه وار وُو چې د هغې تعلق د خُدائ پاک او د بادشاه د خِدمت سره وو.