Read Pashto (Nangahari) — د پښتو مقدس کتاب تاريخ اول 4 Bible Online

تاريخ اول 4 - Pashto (Nangahari) — د پښتو مقدس کتاب bible

تاريخ اول 4

¹دا د يهوداه څۀ اولاد دے: فارص، حصرون، کرمى، حُور او سوبل.

²سوبل د رياياه پلار وو، چې دا د يحت پلار وو، چې هغه د اخومى او د لاهد پلار وو، کوم چې د هغه خلقو پلار نيکۀ وو چې په صُرعه کښې اوسېدل.

³۳‏-۴ حُور د کالب د ښځې اِفرات مشر زوئ وو او د هغۀ اولاد د بيت‌لحم ښار جوړ کړے وو. د حُور درې زامن ايتام، فنواېل او ايصر وُو. د ايتام درې زامن وُو: يزرعيل، اِسمع او ادباس او يوه يې لور هضل الفونى وه. فنواېل د جدور ښار جوړ کړے وو او ايصر د حُوسه ښار جوړ کړے وو.

⁵اشور چا چې د تقوع ښار جوړ کړے وو د هغۀ دوه ښځې حيلاه او نعراه وې.

⁶د هغۀ د خپلې ښځې نعراه څلور زامن وُو: اخوسام، حِفر، تمنى او هخسترى.

⁷د اشور د خپلې ښځې حيلاه نه درې زامن وُو: ضرت، اِضهار او اِتنان.

⁸قوض د عنوب، ضوبيبه او د حروم د زوئ اخرخېل د ډلو پلار نيکۀ وو.

⁹يو سړے وو چې نوم يې يعبيض وو، هغه په خپلو وروڼوکښې ډېر عزتمند سړے وو. په هغۀ باندې خپلې مور يعبيض نوم اېښے وو، ځکه چې د هغۀ د پېدا کېدو درد ډېر سخت وو.

¹⁰خو يعبيض د بنى اِسرائيلو خُدائ پاک ته سوال وکړو، ”خُدايه پاکه! تۀ به ما له برکت راکوې او زما مُلک به لويَوى. زما مل شه او د هر هغه خراب عمل نه مې وساته چې ما له تکليف راکوى.“ او چې هغۀ د څۀ سوال کړے وو نو خُدائ پاک هغه هر څۀ ورکړل.

¹¹د سوخه د ورور کالب يو زوئ محير وو. محير د استون پلار وو،

¹²چې د هغۀ درې زامن وُو: بيت رفا، فاسح او تخِنه. تخِنه د ناحس ښار جوړ کړے وو. د دې سړو اولاد په ريکه کښې اوسېدو.

¹³د قنز دوه زامن عُتنى اېل او شراياه وُو. د عُتنى اېل هم دوه زامن حتت او معوناتى وُو.

¹⁴معوناتى د عفره پلار وو. شراياه د يوآب پلار وو. او يوآب هغه وړومبے کس وو چې د ماهِرو خلقو وادى يې آباده کړه، ځکه چې هلته ټول خلق ماهِر کاريګران وُو.

¹⁵د يفُنه زوئ کالب درې زامن وُو: عيرو، ايله او نعم. او ايله د قنز پلار وو.

¹⁶د يهلليئيل څلور زامن وُو: زيف، زيفه، تيرياه او اسرى اېل.

¹⁷۱۷‏-۱۸ د عزره څلور زامن وُو: يتر، مرِد، عِفر او يلون. مرِد بِتياه وادۀ کړه، چې د مِصر د بادشاه لور وه، د هغوئ يوه لور مريم وه او دوه يې زامن سمى او اِسباح وُو. اِسباح د استموع ښار جوړ کړے وو. مرِد د يهوداه قبيلې د يوې ښځې سره هم وادۀ وکړو او د هغوئ درې زامن وُو: يرد، چې هغۀ د جدور ښار جوړ کړے وو، حِبر چې هغۀ د شوکو ښار جوړ کړے وو، او يقُوتئيل چې هغۀ د زنوح ښار جوړ کړے وو.

¹⁹هودياه د نحم خور وادۀ کړه. د هغوئ اولاد د جرمى ډله وه، چې هغه د قعيله په ښار کښې اوسېده او د معکې ډله چې د استموع په ښار کښې اوسېده.

²⁰د سيمون څلور زامن وُو: امنون، رِنه، بِن حنان او تيلون. د يسعى دوه زامن وُو: زوحت او بِن روحت.

²¹سِلح د يهوداه د زامنو نه يو زوئ وو. د هغۀ په اولاد کښې عير شامِل وو، چا چې د لکه ښار جوړ کړے وو، لعده چا چې د مريسه ښار جوړ کړے وو، د لټې کپړې جوړوُونکى ډله چې د بيت اشبيع په ښار کښې اوسېده،

²²يوقيم او هغه خلق چې د کوزيبا په ښار کښې اوسېدل، او يوآس او شراف، چا چې موآبيانې ښځې وادۀ کړې او په بيت‌لحم کښې اوسېدل. دا د ډېر پخوانى وخت حِساب کِتاب دے.

²³هغوئ د بادشاه د خِدمت کُلالان وُو او نتائيم او د جديره په ښارونو کښې اوسېدل.

²⁴د شمعون پينځۀ زامن وُو: نمواېل، يمين، يريب، زارح او ساول.

²⁵د ساول زوئ سلوم وو، د سلوم زوئ مِبسام وو او د مِبسام زوئ مِشماع وو.

²⁶د مِشماع د اولاد نسب‌نامه داسې ده: حمواېل، زکور او سِمعى.

²⁷د سِمعى شپاړس زامن او شپږ لوڼه وې، خو د هغۀ د خپلوانو اولاد کم وو او د شمعون قبيله د يهوداه د قبيلې په شان لويه نۀ شوه.

²⁸د داؤد بادشاه تر وخته پورې د شمعون اولاد په بير سبع، مولاده، حصارسعول،

²⁹بِلهاه، عضم، تولاد،

³⁰بتو‌اېل، حُورمه، صِقلاج،

³¹بيت مرکبوت، حصار سوسم، بيت برائى او شعريم کښې اوسېدل.

³²هغوئ په پينځو نورو ځايُونو کښې هم اوسېدل: ايتام، عين، رِمون، توکن، عسن،

³³او په ګېرچاپېره کلو کښې، د بعلات ښار پورې. دا هغه حِساب کِتاب دے چې هغوئ د خپلو کورَنو او د هغه ځايُونو په باره کښې ساتلو چې چرته هغوئ اوسېدل.

³⁴۳۴‏-۳۸ دا سړى د خپلو ډلو مشران وُو: مسوباب، يمليک، يوشه چې د امصياه زوئ وو، يوئيل، ياهُو چې د يوسبياه زوئ وو، يوسبياه د شراياه زوئ وو، شراياه د عسيئيل زوئ وو، اليوعينى، يعقوبه، يشوخايه، عساياه، عدى ايل، يسمئيل، بناياه، زيزا، زيزا د شفعى زوئ وو، شفعى د الون زوئ وو، الون د يدعياه زوئ وو، يدعياه د سِمرى زوئ وو او سِمرى د سمعياه زوئ وو. ځکه چې د هغوئ کورنۍ غټېدلې،

³⁹هغوئ تقريباً تر جدار پورې نمرپرېواتۀ طرف ته خوارۀ شول او د هغه مېدان نَمرخاتۀ طرف ته يې خپلې ګډې څرولې چرته چې هغه ښار دے.

⁴⁰هغوئ د څران ښۀ آباد مُلکونه وموندل چې په کولاو مُلک کښې خوارۀ وارۀ وُو چې خاموش او د آمن نه ډک وو. د هغوئ نه مخکښې چې کوم خلق هلته اوسېدل هغوئ حاميان وُو.

⁴¹د يهوداه بادشاه حزقياه په وخت کښې د هغه ډلو مشران جرار ته لاړل او هلته يې حاميان او معونيان او د هغوئ خېمې تباه کړې او د هغوئ ټول خلق يې ووژول او تر نن پورې يې د نوم او نشان پته نۀ لږى. د هغوئ په ځايُونو کښې په خپله آباد شول، ځکه چې هغوئ ته د رَمو دپاره د څران د زمکې ضرورت وو.

⁴²د شمعون قبيلې نور پينځۀ سوه کسان نَمرخاتۀ طرف ادوم ته لاړل. د هغوئ مشرى د يسعى دې زامنو کوله: فلطياه، نعرياه، رفاياه او عُزئيل.

⁴³هلته هغوئ هغه پاتې شوى عماليقيان ووژل کوم چې تښتېدلى وُو او هغوئ تر ننه پورې هلته اوسېدل.