Read Pashto (Nangahari) — د پښتو مقدس کتاب زبور 100 Bible Online

زبور 100 - Pashto (Nangahari) — د پښتو مقدس کتاب bible

زبور 100

¹اے د دنيا خلقو، د خوشحالۍ نارې مالِک خُدائ ته ووهئ،

²او د خوشحالۍ سره د خُدائ پاک عبادت وکړئ، او د خوشحالۍ په سندرو سره د هغهٔ په وړاندې حاضر شئ.

³ځان پوهه کړئ چې هم مالِک خُدائ خُدائ پاک دے، او هم هغۀ مونږ پیدا کړی يُو او مونږ د هغهٔ يُو، مونږ د هغهٔ خلق او د هغهٔ د څرند د ځائ ګډې يُو.

⁴د هغۀ در ته د شکر ګذارئ سره ورننوځئ، او د هغهٔ دربار ته د ثناء صِفت سره ورننوځئ، د هغۀ شکر ګذاری وکړئ او د هغهٔ د نوم ثناء صفت وکړئ.

⁵مالِک خُدائ مهربانه دے او د هغهٔ مینه د تل دپاره وی، او د هغۀ وفادارى به تر نسلونو پورې جاری وی.