Read Pashto (Nangahari) — د پښتو مقدس کتاب زبور 114 Bible Online

زبور 114 - Pashto (Nangahari) — د پښتو مقدس کتاب bible

زبور 114

¹کله چې بنی اِسرائيليان د مِصر نه بهر راووتل، او د یعقوب خاندان چې د پردی ملک نه راووتل،

²یهُودا د خُدائ مقدس ځائ شو، او اِسرائيل د خُدائ پاک د بادشاهت ځائ شو.

³کله چې بحرِقُلزم دوئ ولیدل نو لار يې ورته پریښوده، او د اردن سیند واپس شو او خپل ځائ ته لاړو،

⁴غرونو لکه د ګډانو په شان منډې کړې، او غونډو لکه د ګډورو په شان منډې کړې.

⁵اے سمندره دا څهٔ چل وو چې تا هغوئ ته لار پریښوده، تۀ ولې واپس شوې اے د اُردن سينده،

⁶غرونو تاسو ولې لکه د ګډانو په شان منډې کړې؟ او تاسو اے غونډو ولې لکه د ګډورو په شان منډې کړې؟

⁷د مالِک خُدائ په راتلو سره اے زمکې په لړزان شه، د يعقوب د پاک خُدای په حضُور کښې په لړزان شه،

⁸چا چې د ګټ نه د اوبو تالاب جوړ کړو، او سخت ګټ نه يې د اوبو چشمه جوړه کړه.