Read Pashto (Nangahari) — د پښتو مقدس کتاب زبور 115 Bible Online

زبور 115 - Pashto (Nangahari) — د پښتو مقدس کتاب bible

زبور 115

¹مونږ ته نه، اے مالِکه خُدايه، مونږ ته نه، خو ستا نوم ته دې جلال وی، ځکه ستا د مينې او وفا په سبب دې وی.

²قومونه ولې وائی چې، ”د دوئ پاک خُدای چرته دے؟“

³زمونږ پاک خُدای په آسمان کښې دے، هر هغه څهٔ کوی چې څهٔ د هغهٔ خوښ وی.

⁴خو د هغوئ بُتان د سرو او سپينو زرو دی، چې د اِنسانانو په لاسونو جوړ شوی دی.

⁵د هغوئ خولې شته خو خبرې پرې کولے نهٔ شی، سترګې يې هم شته خو پرې لیدلے نهٔ شی.

⁶د هغوئ غوږونه شته خو پرې اوریدلے نهٔ شی، پوزې يې هم شته خو پرې بوئیولے نهٔ شی.

⁷د هغوئ لاسونه هم شته خو پرې څهٔ محسوسولے نهٔ شی، د هغوئ ښپی هم شته خو پرې ګرځیدلے نهٔ شی، خو هیڅ قسمه آواز د مرۍ نه ويستلے نهٔ شی.

⁸چا چې دا جوړ کړی دی نو د هغوئ په شان به شی، او بیا هم هغوئ ټول، څوک چې پرې يقين لری.

⁹اے بنى اِسرائيلو په مالِک خُدائ باندې توکل کوئ، هغه ستا ډال او ستا مدد کوی.

¹⁰اے د هارون کورنۍ په مالِک خُدائ باندې توکل کوئ، هغه ستا ډال او مدد کوی.

¹¹اے تاسو چې د هغهٔ نه یره کوئ په مالِک خُدائ باندې توکل کوئ، هغه د هغوئ ډال او مدد کوی.

¹²مالِک خُدائ ته مونږ یاد يُو او برکت به راکړی، هغه به د بنى اِسرائيلو کورنئ ته برکت ورکړی، هغه به د هارون کورنئ ته برکت ورکړی.

¹³هغه به هغه چا له برکت ورکړى څوک چې د مالِک خُدائ نه يرېږی، لویو او واړو ټولو ته به یو شان ملاویږی.

¹⁴مالِک خُدائ دې تاسو زيات کړی، تاسو او ستاسو د بچو نسل دې زیات کړی.

¹⁵مالِک خُدائ دې تاسو له برکت درکړی، څوک چې د آسمان او زمکې خالق دے.

¹⁶اوچت آسمانونه د مالِک خُدائ دی، خو زمکه يې اِنسان له ورکړی ده.

¹⁷مړی خو د مالِک خُدائ ثناء صِفت نهٔ کوی، هغوئ څوک چې لاندې خاموشئ طرف ته روان وی.

¹⁸خو مونږ يُو چې د مالِک خُدائ ثناء صِفت کوُو، په دواړه وختُونو کښې اوس هم او د تل دپاره هم لوئې بيانوُو، د مالِک خُدائ ثناء صِفت دې وی.