Read Pashto (Nangahari) — د پښتو مقدس کتاب زبور 124 Bible Online

زبور 124 - Pashto (Nangahari) — د پښتو مقدس کتاب bible

زبور 124

¹کۀ چرته مالِک خُدائ زمونږ مل نهٔ وے، نو بنى اِسرائيل دې داسې وائى

²کۀ چرته مالِک خُدائ زمونږ مل نهٔ وے، کله چې خلقو په مونږ حمله وکړه.

³کله چې هغوئ زمونږ خلاف سخت په قهر وُو، نو دوئ به مونږ ژوندی تیر کړی وُو.

⁴نو سېلاب به مونږ راګیر کړی وُو، او خوړ به مونږ جارو کړی وُو.

⁵او غضبناکو اوبو به مونږ لاندې کړى وُو.

⁶مالِک خُدائ ته دې ثنا صفت وی، څوک چې به مونږ د هغوئ د غاښونو شلولو ته ور نهٔ کړی.

⁷مونږ لکه د مرغئ په شان د ښکارى د دام نه وتښتيدلو، او جال شلیدلے وو او مونږ ترې وتښتيدلو.

⁸زمونږ مدد د مالِک خُدائ په نوم کښې دے، چې د آسمان او زمکې جوړونکے دے.