Read Pashto (Nangahari) — د پښتو مقدس کتاب زبور 125 Bible Online

زبور 125 - Pashto (Nangahari) — د پښتو مقدس کتاب bible

زبور 125

¹هغوئ څوک چې په مالِک خُدائ ایمان لری د صيون د غر په شان دی، کوم چې نهٔ ښوزیږی او د تل پاره قائم دے.

²لکه څنګه چې غرونه د یروشلیم نه راتاو دی، نو دغه شان مالِک خُدائ د خپلو خلقو نه راتاو دے یعنې د اوس نه تر ابده پورې.

³د بدعملو حکومت او اقتدار به پاتې نهٔ شی، په هغه زمکه کومه چې صادِقانو ته ورکړے شوې ده، ځکه هسې نۀ چې صادِقان هم په بد عملونو باندې اخته شی.

⁴اے مالِکه خُدایه هغوئ سره ښۀ کوئ څوک چې ښهٔ وی، هغوئ سره د چا چې زړونه صادِق وی.

⁵خو هغوئ څوک چې بدو او کږو لارو ته اوړی، مالِک خُدائ به هغه بدکاران وشړی، سلامتیا دې په بنى اِسرائيلو وی.