Read Pashto (Nangahari) — د پښتو مقدس کتاب زبور 126 Bible Online

زبور 126 - Pashto (Nangahari) — د پښتو مقدس کتاب bible

زبور 126

¹کله چې مالِک خُدائ شړلے شوی قیدیان واپس صيون ته راوستل، مونږ د هغه خلقو په شان وُو چا چې خوب لیدلے وی.

²زمونږ خولې د خندا نه ډکې وې، او زمونږ په ژبو چې د خوشحالئ سندرې وې. نو بيا دا د قومونو په مينځ کښې وئیلے کيدل، چې، ”مالِک خُدائ د هغوئ دپاره لوئ کارونه کړى دی.“

³مالِک خُدای مونږ له لوئ کارونه کړى دی، او مونږ ډېر خوشحاله شو.

⁴مالِکه خُدایه زمونږ حالات دوباره په ځائ کړه، لکه څنګه چې نهرونه صحراګانې تازه کوی.

⁵څوک چې په اُوښکو سره کَر وکړی، نو هغوئ به لَو په خوشحالئ سره وکړی.

⁶او څوک چې په ژړا سره بهر ته ځی، او تخم د کرلو دپاره وړی، خو هغوئ به په سندرو او خوشحالۍ سره واپس راشی، کله چې ګيډئ په لاس کښې راوړی.