Read Pashto (Nangahari) — د پښتو مقدس کتاب زبور 128 Bible Online

زبور 128 - Pashto (Nangahari) — د پښتو مقدس کتاب bible

زبور 128

¹بختور دی هغوئ ټول څوک چې د مالِک خُدائ نه یریږی، او څوک چې د هغهٔ په لارو روان وی.

²تاسو به د خپل محنت میوه وخورئ، برکتونه او خير به ستاسو وی.

³او ستا ښځه به لکه د میوه داره انګور بوټې په شان وی، او ستا زامن به لکه د زیتون بوټې په شان وی، ستا د دسترخوان نه به راچاپیره وی.

⁴نو دغه شان سړے به بختور وی، څوک چې د مالِک خُدائ نه يرېږی.

⁵د صيون نه دې مالِک خُدائ تا له برکت درکړى، او تهٔ په خپل ټول ژوند کښې د یروشلیم آبادی وګورې.

⁶او تهٔ دې تر هغې پورې ژوندې پاتې شې چې د خپلو بچو بچی وګورې، په بنى اِسرائيلو دې سلامتیا وی.