Read Pashto (Nangahari) — د پښتو مقدس کتاب زبور 129 Bible Online

زبور 129 - Pashto (Nangahari) — د پښتو مقدس کتاب bible

زبور 129

¹”هغوئ د ماشوموالى نه په ما باندې ډیر زياتے کړے دے،“ بنى اِسرائيل پرېږده چې داسې ووائى.

²”هغوئ د ماشوموالی نه په ما باندې ډیر زياتے کړے دے، خو هغوئ ما ته شکست نهٔ دے راکړے.

³زما دشمنانو زهٔ دومره وهلے يم، لکه د يوه کوونکی په شان يې زما په ملا اوږدی پولې جوړې کړی دی.“

⁴خو مالِک خُدائ صادِق دے، او زۀ يې د شريرانو د رسئ نه آزاد کړے یم.

⁵هر څوک چې د صيون نه کرکه کوی، هغوئ به په شرم وشرمیږی او شکست به وخوری.

⁶هغوئ دې د چت د وښو په شان اوچ شی، کوم چې د غټیدو نه وړاندې اوچ شی.

⁷د لَوګرو لاسونه دې پرې ډک نۀ شی، څوک ‎يې چې راټولوی نو د هغهٔ غیږه دې پرې ډکه نهٔ شی.

⁸هغوئ څوک چې پرې تيریږی دا دې نهٔ وائى، چې، ”د مالِک خُدائ برکت دې په تا وی، مونږ تا ته د مالِک خُدائ په نوم برکت درکوؤ.“