Read Pashto (Nangahari) — د پښتو مقدس کتاب زبور 142 Bible Online

زبور 142 - Pashto (Nangahari) — د پښتو مقدس کتاب bible

زبور 142

¹زۀ په زوره مالِک خُدائ ته ‎ژړا کوم، او ما د رحم دپاره مالِک خُدائ ته آواز وکړو.

²زهٔ خپل فريادونه د هغهٔ په وړاندې کوم، د هغۀ په وړاندې زۀ خپل مصيبت بيانوم.

³کله چې زما روح په ما کښې کمزورے شی، نو دا تهٔ يې چې زما په لارو پوهیږې. په کومو لارو چې زهٔ روان یم نو په هغه لارو کښې يې ما دپاره دام پټ لګولے دے.

⁴وګوره زما ښې طرف ته وګوره هیڅوک زما پرواه نهٔ کوی، زما پناه ګاه نشته هیڅوک زما د ژوند پرواه نهٔ کوی.

⁵زهٔ تا ته ژړا کوم، اے مالِکه خُدايه، زهٔ دا وایم چې، ”تهٔ زما پناه ګاه يې، او تهٔ د ژوندون په دنيا کښې زما برخه يې.“

⁶زما ژړا تهٔ واوره، ځکه چې زهٔ ډیر سخت محتاجه یم. څوک چې ما ګیرول غواړى د هغوئ نه ما بچ کړه، ځکه چې دوئ زما نه ډیر زورَور دی.

⁷تهٔ ما د قید نه خلاص کړه، چې ستا د نوم ثناء صِفت وکړم. نو بیا به صادِقان رایوځائ شی زما په حقله، ځکه ستا د مهربانئ په وجه.