Read Pashto (Nangahari) — د پښتو مقدس کتاب زبور 16 Bible Online

زبور 16 - Pashto (Nangahari) — د پښتو مقدس کتاب bible

زبور 16

¹ته مې وساته ای خدایه، زه پناه غواړم له تا نه

²ما دا وویل څښتن ته: ‹ته زما څښتن یې، ټول زما نعمتونه ستا له خوانه دي>

³څومره د څښتن وفادار خلک پرجلاله دي! په هغوی کې زما ټوله خوشحالي ده

⁴چې زغلي څوک نورو خدایانو پسې د هغو خلکو به غمونه زیات شي د هغو خلکو قربانیو کې به نه شم شریک نه به یې نومونه د خدایانو واخلم

⁵ته زما دپاره هرڅه یې څښتنه زه چې هرشي ته محتاج شم هغه ته راکوې ماته زما قسمت ستا په لاسونو کې دی

⁶تا ماته په برخه کې راکړي ښه ځایونه دي هیڅ په کې شک نشته چې ښائسته مې میراثونه دي

⁷ستایمه څښتن چې کوي ماته لارښوونه شپه کې مې وجدان راته کوي سمه ښودنه

⁸تل د خپل څښتن د موجودیت نه خبردار یمه هغه دی زما په څنګ کې، ما هیڅ شی خوځوای نه شي

⁹نو زړه مې خوښ روح مې خوشحاله هم بدن مې وي په امن

¹⁰ځکه چې ته به مې ساتې له ګوره کړی خدمت مې ایمانداره دی ستا ما به پرېنږدې ته د مړو دنیا ته

¹¹راښائې ماته د ژوندون لاره ډک دی زما زړه د خوشحالۍ نه ستا دیدار سره ستا ښي لاس ته ناست به تل خوشحاله یم