Read Pashto (Nangahari) — د پښتو مقدس کتاب زبور 17 Bible Online

زبور 17 - Pashto (Nangahari) — د پښتو مقدس کتاب bible

زبور 17

¹واوره زارۍ زما څښتنه، د انصاف دپاره هم د مرستې فریادونه زما واوره د صداقت دعا ته غوږ شه زما

²زما په حق کې ته انصاف وکړه ځکه پوهېږې حقیقت باندې ته

³۳‏-۴ زما د زړه له حاله ته یې خبر ته په شپه کې راغلې ماته زه دې ښه وازمایلم هیڅ بدي دې پیدا نکړله په ما کې لکه د نورو په شان نه کوم خبرې بدې ما دی کړی اطاعت د ستا د امر ما د ظلم لاره نه ده خپله کړې

⁵یمه تللی همېشه د ستا په لاره ښوېدلي مې هیڅ ندي قدمونه

⁶خدایه فریاد کومه ځکه راکوې ته ځواب ونیسه غوږ ماته واوره زما بیان

⁷عجیبه مینه دې ماته راښکاره کړه ژغوري ستا ځواکمن لاس هغو، څوک چې تا کې امن غواړي د دښمن ځنې

⁸ومې ساته لکه کسي د چشمانو پټ مې کړه د سیوري د وزرو نه دې

⁹ومې ساته له بد کارو چې حمله کوي په ما له قاتلو دښمنانو چې چاپیره دي له ما

¹⁰رحم نشته په هغوی کې کړي خبرې کبرجنې

¹¹چاپیر شوي دي له ما نه په هرځای کې چې زه ګرځم دوی فرصت ته انتظار کړي چې ما وولي په ځمکه

¹²دوی په شان دي د هغو وږیو زمریانو چې کړي ښکار خوراک دپاره یا په مثل د زمریانو د بچیانو چې په پټ ځای کې وي ناست حملې دپاره

¹³ای څښتنه، شه راپورته مقابل کې ته زما د دښمنانو او دوی مات کړه له بدکارو مې کړه خلاص په توره خپله

¹⁴چې هرڅه لري هغوی په دې دنیا کې ما کړه خلاص له داسې خلکو سزا ورکړه د کړاو چې تا ساتلی دوی دپاره هم ورکړه پرېمانه کړاونه یې بچیانو ته دغه شانتې ورکړه کړاونه د بچیانو اولادو ته یې

¹⁵خو زه به وکړم ستا دیدار ځکه بد مې کړي نه دي او چې کله رابیدار شم موجودیت د ستا قانع به زما زړه کړي