Read Pashto (Nangahari) — د پښتو مقدس کتاب زبور 18 Bible Online

زبور 18 - Pashto (Nangahari) — د پښتو مقدس کتاب bible

زبور 18

²څښتن دی زما ساتونکی دی زما قوي کلا زما ساتونکی زما خدای دی زما امن دی هغه کې کړي زما ساتنه لکه سپر زما دفاع کوي ساتي مې خوندي

³مرسته غواړم له څښتنه چې لایق دی د صفت خلاصوي به مې هغه ما له خپلو دښمنانو

⁴د مرګ رسۍ رانه راتاوې شولې د بربادۍ سیلابو واخیستمه

⁵پښې مې د ګور رسۍ کې ونښتلې مرګ راته لاره کې خپل دام ایښی ؤ

⁶په خپل تکلیف کې مې څښتن ته غږ کړ کومک دپاره مې خپل خدای ته غږ کړ زما آواز یې په خپل کور کې واورید زما فریاد یې د کومک واوریده

⁷بیا ځمکې وخوړ ټکان ولړزېده خوځېدل د غرو بیخونه په لړزه شول ځکه په قهر ؤ خدای

⁸شو له سپېږمو نه یې راپورته لوګی بلې لمبې او سرې سکروټې یې بادېدلې د خولې

⁹ده کړې خلاصې دروازې د آسمانونو او راکوز شو تورې وریځې وې د ده تر پښو لاندې

¹⁰سپور په اسماني مخلوق شو والوته سپور شو په وزرو د باد ژر راغی

¹¹ځان ته جوړه یې پرده کړه له تیارې نه د اوبو ډکې ټینګې ورېځې وې چاپیره د ده

¹²جلال د موجودیت یې ځان ښکاره کړ منځ د ورېځو کې ږلۍ او سرې سکروټې ورېدې لکه باران

¹³لکه تندر څښتن وکړلې خبرې له آسمانه شو آواز د خدای تعالیٰ په اورېدو

¹⁴وویشتل هغه خپل غشي، دښمنان یې تار په تار کړل د برېښنا په پړکیدو یې ماتې ورکړه

¹⁵بیا ستا په ترټلو باندې ای څښتنه ستا د تنفس په انفجار سره تل د سمندر هم راښکاره شولو وو پراته د ځمکې بنسټونه لوڅ

¹⁶له آسمانه څښتن لاس خپل کړ را اوږد وئې نیولم له ژورو اوبو ده راوویستلم

¹⁷زه یې کړمه له قوي دښمنه خلاص او له هغو چې نفرت یې کړ له ما نه دوی وو ډېر قوي له ما نه

¹⁸هغه وخت کې چې زه ومه په تکلیف کې دوی حمله وکړه په ما خو څښتن زه حمایه کړم

¹⁹له خطره یې کړم بچ مرسته یې وکړه ځکه یې کړم بچ چې ؤ راضي له ما

²⁰اجر راکوي څښتن ځکه کړم کارونه نېک یمه بې ګناه ځکه انعام راکوي ماته

²¹ما د څښتن د قوانینو اطاعت کړی دی نه مې د بدۍ په خاطر مخ له خپل خدای پاک نه اړولی دی

²²ما عمل کړی د هغه په قوانینو ټولو نافرماني مې کړې نه ده له حکمونو د ده

²³هغه پوهیږي زه بې عیبه یمه بدو کارونو نه مې ځان ساتلی

²⁴نو اجر راکوي څښتن ځکه کړم کارونه نېک هغه پوهیږي بې ګناه یمه زه

²⁵ای څښتنه، وفادار یې هغه چاته چې وي تاته وفادار تل نېکي کړې د هغو سره چې وي بې عیبه

²⁶پاک ته خپل ځان پاک ښائې ټګجن ته ځان پیچلی

²⁷ته عاجزانو ته نجات ورکوې خو کبرجن ټیټوې

²⁸ای څښتنه زما خدایه، ساتې زما ډیوه روښانه هم تیاره مې بدلوې په رڼا باندې

²⁹راکوې قوت چې کړم ناتار په دښمن راکوې قدرت په دېوالو د ختو

³⁰ګوره زما پاک خدای څومره کامل یې عملونه دي څومره د باور یې ټول لوظونه دي هغه دی ډال هغو ته ټول چې یې پناه ده ته راوړې ده

³¹صرف څښتن دی خدای کړي چې په یوازې ځان دفاع زمونږ

³²هغه خدای پاک دی چې قوت راکوي ماته هغه خدای پاک دی چې خوندي مې ساتي

³³زه ثابت قدم لکه هوسۍ یې کړم ساتي مې خوندي په تورو غرونو کې

³⁴هغه ما تیاروي د جنګ دپاره ترڅو زه کړمه راکش لینده د زېړو

³⁵ډال راکوې ماته د خلاصون خپل مرسته کوي ښی لاس ستا زما سره زه پیاوړی کړی ستا نرمۍ یمه

³⁶ته پراخوې زما د پښو لاره ځکه نه ښوییږي پښې زما هیڅکله

³⁷دښمنان تعقیبوم او ور رسېږم نه راګرځم تر هغې چې یې نابود کړم

³⁸داسې یې وهم چې پاڅېدی نه شي دي زما د پښو لاندې نسکور پراته

³⁹راکوې ما له ته قوت د جګړې غورزوې ماته دښمنان په پښو کې

⁴⁰مجبوروې دښمنان زما تیښتې ته زه تباه کوم هغه چې کرکه کړي زما ځنې

⁴¹دوی د کومک دپاره کړي فریاد نشته څوک چې خلاص کړي دوی وهي چیغې دوی څښتن ته هغه نه ورکوي دوی ته ځوابونه

⁴²لکه د دوړې میده کومه یې زه چې یې هر خوا والوځوي بادونه داسې تر پښو لاندې کومه یې زه لکه د خټو د کوڅو په شانتې

⁴³تا د سرکشانو خلکو خلاص کړلم او د قومونو دې سردار کړلم اوس مې خدمتونه هغه خلک کوي کله پخوا چې ما دوی نه پیژندل

⁴⁴هم بهرنیان زما په مخ کې ټیټوي سرونه چې کله اوري زما په هکله اطاعت مې کوي

⁴⁵دوی بایلي خپل همتونه په لړزه باندې راوزي دوی له خپلو کلاګانو

⁴⁶څښتن ژوندی دی! ده ستاینه ساتندوی لره زما! کړئ اعلان لویي د هغه خدای چې مې ژغوري

⁴⁷راکوي ماته توفیق چې بدل واخلم له دښمنه راولي زما د ځواک لاندې قومونه

⁴⁸او ما له خپلو دښمنانو خلاصوي راکوې بریا په غلیمانو ای څښتنه ته او ما ساتې له ظالمو انسانانو

⁴⁹ځکه نو څښتنه د قومونو منځ کې ستا کوم ستاینه وایمه زه ستا د صفت سندرې

⁵⁰خدای ورکوي لویې بریاوې خپل پاچا ته مینه تل عمري کوي د خپل غوره کړای شوي سره تل تر تله د داود او د هغه د اولادې سره