Read Pashto (Nangahari) — د پښتو مقدس کتاب زبور 19 Bible Online

زبور 19 - Pashto (Nangahari) — د پښتو مقدس کتاب bible

زبور 19

¹آسمانونه څومره ښه څرګندوي د خدای جلال کارنامې د لاس یې ښایي فلکونه

²هره ورځ کوي بیان راتلونکي ورځ ته هره شپه تکراروي یې سبا شپې ته

³نه کوي هغوی خبرې نه آواز یې اوریدای شي

⁴خو بیاهم د دوی پیغام ټولې دنیا ته ور رسیږي د دنیا تر آخر سر اوریدل کیږي خدای کېږدۍ ده لګولې په اسمان کې لمر دپاره

⁵لمر راوزي لکه زوم د خپل مکانه لکه څنګه چې خوشحال وي یو اتل مسابقې ته

⁶لمر راخیژي د آسمان له یوه سره او رسیږي تر بل سره هیڅ شی پټ نه دی د هغه له ګرمۍ نه

⁷د څښتن قانون کامل دی ورکوي روح ته غذا باوري دي ټول حکمونه د څښتن ورکوي حکمت هغو ته چې ساده دي

⁸دي په حقه د څښتن قوانین د خلکو زړونو ته خوښي ورکوي سم حکمونه د څښتن دي ورکوي ذهن ته پوهه

⁹وېره ښه ده له څښتنه برقرار به وي مدام د څښتن قضاوتونه دي برحقه او همېش عادلانه دي

¹⁰د سوچه و نه سوچه طلا نه ډېر هغه مرغوب دي د سوچه و نه سوچه شاتو نه ډېر هغه خواږه دي

¹¹ورکوي هغه اخطار وستا خادم ته که یې ومنم نو مومم به لوی اجر

¹²نه شي څوک کولی چې په خپله خطا پوه شي معاف کړه ای څښتنه خطاګانې نامعلومه مې

¹³نو قصدي ګناه نه ما خوندي وساته پرې یې نژدې چې په ما شي مسلطه او بیا زه به شم کامل شم به خلاص له ګناهونو لویو لویو

¹⁴ای څښتنه زما ساتونکیه! ای زما د پناه ځایه! شي منظورې دې خبرې او فکرونه زما تاته!