Read Pashto (Nangahari) — د پښتو مقدس کتاب زبور 2 Bible Online

زبور 2 - Pashto (Nangahari) — د پښتو مقدس کتاب bible

زبور 2

¹ولې قومونه دسیسې جوړوي؟ ولې بېځایه پلانونه جوړوي؟

²پاچاهان ټول د دې نړۍ دي یو ځای شوي سره چې د څښتن او د هغه د غوره شوي شاه په ضد پورته شي

³وایي: ‹راځئ چې زنځیرونه مات کړو د غلامۍ رسۍ به وغورزوو>

⁴څښتن چې ناست دی په آسمان کې په خپل تخت باندې خاندي ملنډې وهي په پلانونو د دوی

⁵ورکوي دوی ته په خپل قهر اخطار وېروي دوی په خپل غضب باندې:

⁶‹ما مقرر کړ خپل پاچا په خپله پاکه غونډۍ نوم دی صیهون د غونډۍ>

⁷پاچا وایي: ‹څه چې ویلي دي څښتن زه به یې اعلان کړم ماته وویل هغه چې ته مې زوی زه دې نن پلار شوم

⁸سوال وکړه له ما نه ته ټول قومونه در به کړم نړۍ ټوله به د ستا شي

⁹په جبل به هغوی مات کړې د خاورین لوښو په شان به کړې دوی سم ټوټې ټوټې>

¹⁰شئ هوښیار ای پاچاهانو تاسو دې نه عبرت واخلئ د نړۍ حکمرانانو

¹¹د څښتن عبادت وکړئ ښه په وېره او لړزان

¹²زوی ته یې د درناوي سرونه ټیټ کړئ هسې نه چې دی په قهر شي او خپلو لارو کې هلاک شئ هغه څوک چې پناه وروړي بختور دی