Read Pashto (Nangahari) — د پښتو مقدس کتاب زبور 21 Bible Online

زبور 21 - Pashto (Nangahari) — د پښتو مقدس کتاب bible

زبور 21

¹پاچا ستا په طاقت کوي څښتنه خوشحالي کړي څومره ستره خوشحالي ځکه چې تا ورته بری ورکړی

²تا دی پوره کړی د هغه د زړه ارمان تا نه دی رد کړی د هغه د خولې سوال

³تا پاچا کړ استقبال په ډیرو ښو برکتونو کېښود دې په سر د هغه تاج د سوچه سرو زرو

⁴هغه ژوند وغوښت له تا نه اوږد عمر دوامدار دې ورته ورکړ

⁵ستا په مرسته د هغه جلال ډېر لوی شو تا ورکړی دی هغه ته ښه شهرت هم ډېر زیات شان او شوکت

⁶هغه ته دې ورکړی برکت نه ختمېدونکی دی ورکړی خپل دیدار دې ورته زړه خوشحالوونکی دی

⁷کړي پاچا توکل څښتن تعالیٰ باندې په سبب د ده د مینې دوامدارې هغه تل به وي په امن

⁸ته به خپل ټول دښمنان ونیسې وبه نیسې هغو چې کوي کرکه له تا نه

⁹چې ښکاره کله ته ځان کړې د تنور د اور په شان به دوی برباد کړې په خپل قهر به څښتن هغوی هلاک کړي دوی به وسوزوي اور

¹⁰ته به مړه کړې هغوی ټول څوک ژوندی به پاتې نه شي د هغوی د اولادې نه

¹¹جوړوي د ستا په ضد دوی دسیسې او پلانونه خو کامیاب به دوی پرې نه شي

¹²په هغوی باندې به خپل غشي ګوزار کړې دوی په شا به شي او وبه کاندي تېښته

¹³مونږه ستا کوو ستاینه ای څښتنه ستا د ستر قوت دپاره مونږ به ووایو سندرې او ثناه ستا د قدرت