Read Pashto (Nangahari) — د پښتو مقدس کتاب زبور 22 Bible Online

زبور 22 - Pashto (Nangahari) — د پښتو مقدس کتاب bible

زبور 22

¹زما خدایه، زما خدایه، تا زه ولې یم پرې ایښی؟ شولې دومره لیرې ته ولې له ما نه؟ نه مې اورې ته فریاد، ولې نه راځې خلاصون له؟

²هره ورځ درته فریاد کړم زما خدایه خو ځواب نه راکوې ته هره شپه درته فریاد کړم خو ما ونه موند آرام

³خو ته سپېڅلی یې او ناست یې پاچاهي کړې قبلوې د اسراییلو ثناګانې

⁴په تا وکړلو توکل زمونږ نیکونو چې توکل یې په تا وکړ تا خلاصون هغوی ته ورکړ

⁵هغوی تاته فریاد وکړ او تا خلاص کړل له خطره چې توکل یې په تا وکړ هغوی نه شولو مایوسه

⁶خو د خلکو په نظر کې زه چینجی یم انسان نه یم خلک خاندي په ما پورې او په سپکه راته ګوري

⁷وهي ما باندې ملنډې چې هرڅوک وویني ما رااوباسي راته ژبې ښوزوي راته سرونه

⁸راته وایي: ‹په څښتن دې تکیه وکړه خلاصون نه درکوي ولې؟ که څښتن باندې خپل ګران یې نو بیا ولې دې نه ژغوري؟>

⁹همدا ته وې چې له موره دې خوندي کړم راپیدا زه ماشوم ومه د غېږې تا ساتنه کړه زما

¹⁰زه چې شومه راپیدا له هغې ورځې تا په ما کولو پام له کوم وخت نه چې پیدا شوم همدا ته وې زما خدای پاک

¹¹لیرې کېږه مه له ما نه دی کړاو رانېژدې شوی هیڅوک نشته دی د مرستې

¹²ډېر دښمنان رانه چاپیر دي د غوایانو په څېر هغوی ګېر کړی یمه دي په مثال دوی د غوایانو زورورو د باشان د سیمې

¹³زما دښمنان لکه وحشي زمریان دي خولې یې خلاصې غړمبهار کړي هم کوي په ما بریدونه

¹⁴لکه توی چې شي اوبه په ځمکه باندې داسې لاړلو قوت مې له بدنه ټول هډوکي مې بندونو نه جدا شول زړه زما شولو اوبه د موم په شانتې

¹⁵ځواک مې ټول لکه د خټو د کودي په شانتې خلاص شو په تالو پورې مې ژبه ده نښتې زه دې پریښودمه مرګ ته په ګردو کې

¹⁶بدکاران خلک زما نه راچاپیر شول لکه د سپیو په شان راتاو شول رانه پښې او لاسونه یې زما وداړل

¹⁷شم شمېرلی مې هډوکي د بدن ټول دښمنان زما په ځیر ځیر راته ګوري

¹⁸اچوي پچه دوی زما په جامو او یې وېشي په خپل منځ کې

¹⁹خو ای څښتنه، لیرې کېږه مه له ما نه ای زما ځواکه، تلوار کوه زما مرستې ته راشه

²⁰زما ځان خلاص کړه د تورې د ګوزار نه قیمتي ژوند زما وژغوره له سپیو

²¹د زمرو د خولې مې خلاص کړه هم مې خلاص کړه د وحشي غوایو د ښکرو

²²لویي د نوم به کړم بیان زه خپلو خلکو ته ستا د دوی غونډه کې به وکړم ستا ستاینه

²³له څښتنه چې وېرېږئ، د هغه ثناه ووایئ! ای د یعقوب اولادې، ټول کړئ عزت د هغه! د اسراییلو خلکو، کړئ عبادت د هغه!

²⁴نه دی غافل شوی دردمندانو نه او نه یې د نظره غورځولي دي نه دی اړولی هغه خپل مخ له هغوی څخه هم اورېدلي فریادونه د هغوی یې د کومک دي

²⁵لویه غونډه کې به وکړمه صفت ستا د کارونو په حضور د هغو خلکو چې کوي عبادت ستا زه به ورکړمه نذرونه چې یې ژمنه کړې ما

²⁶غریبان چې څومره غواړي دوی به وخوري چې لټون کړي د څښتن د هغه ثناه به وایي تل ترتله دې نیکمرغه وي هغوی!

²⁷ټوله ځمکه اعتراف به په څښتن کړي هم به ټول ده ته راواوړي ټول قومونه به څښتن ته په سجده شي

²⁸ځکه دی څښتن پاچا حکومت کړي په قومونو

²⁹ټول مغرور خلک به ده ته سجدې کاندي ټول فاني خلک به ده ته په سجده شي او هغوی چې ځان ژوندي نه شي ساتلی

³⁰عبادت به د هغه کوي راتلونکي ټول نسلونه د څښتن په باب به وکاندي بل نسل ته بیان

³¹دا به وویل شي هغو ته چې لا نه دي پیدا شوي ‹څښتن مونږه یو ژغورلي!>