Read Pashto (Nangahari) — د پښتو مقدس کتاب زبور 28 Bible Online

زبور 28 - Pashto (Nangahari) — د پښتو مقدس کتاب bible

زبور 28

¹ای څښتنه، ای زما دفاع کوونکیه، زه فریاد کومه تاته واوره ته فریاد زما که ځواب راته رانکړې زه به شم په شان د هغو چې روان دي ګورستان ته

²زه چې کله د کومک دپاره تاته فریاد وکړم ستا د سپېڅلي ځای په لور چې کړم لاسونه پورته نو قبوله مې زاري کړه

³ما په هغو بدکارانو کې مه نیسه کوم چې کاندي بد کارونه هغوی تل کاندي خبرې دوستانه خو په زړونو کې یې تل وي نفرتونه

⁴څه چې دوی کړي د هغو سزا ورکړه د هغو بدو کارونو چې دوی کړي خپلو ټولو عملونو سزا ورکړه ته هغوی ته چې د کوم شي دوی لایق دي هغه ورکړه

⁵هغه کارونه چې څښتن کړي دي او یا هاغه چې جوړ کړي دي هغه هغوی یې نه ساتي پروا نو به ونړوي دوی شي راګزار به بیا هڅکله به هغوی نه کړي آباد

⁶او صفت دې وي څښتن ته هم ثناه چې یې واورېدې زارۍ زما د مرستې

⁷دی څښتن زما قوت او زما ډال زه توکل په هغه کړمه هغه کوي راسره مرسته خوشحالیږي زړګی زه په سندرو د شکران یې صفتونه کوم

⁸څښتن قوت ورکوي خپل ولس ته هغه کلا ده ښه مضبوطه د خپل غوره پاچا

⁹ته خپل قوم ته نجات ورکړه ای څښتنه هغه چاته برکت ورکړه چې ستا دي ته شپونکی د هغوی اوسه همېشه ورباندې پام کړه