Read Pashto (Nangahari) — د پښتو مقدس کتاب زبور 29 Bible Online

زبور 29 - Pashto (Nangahari) — د پښتو مقدس کتاب bible

زبور 29

¹د څښتن ستاینه وکړئ د آسمان مخلوقه هم د هغه د جلال او د قدرت ستاینه وکړئ

²د څښتن عبادت وکړئ د هغه په سپېڅلتوب او شان شوکت کې کړئ څښتن ته عبادت په مقدس شان

³په دریابونو آوریدلی شي آواز د څښتن پرتمین خدای کړي خبرې لکه تندر کړي په بحر انګازې د ده آواز

⁴زورور دی د څښتن آواز ډک دی له برمه د څښتن آواز

⁵چې څښتن کاندي خبرې نو آواز یې ماتوي د سبر ونې حتیٰ دا چې ماتوي هم د لبنان د سبر ونې

⁶لړزوي هغه ټول غرونه د لبنان وهي څرنګه ټوپونه چې خوسیان د حرمون غر په دا ډول خوځېدا کړي د ټوپونو د وحشي غوایو په شان

⁷ځلیدونکې برېښنا جوړه له آوازه د څښتن شي

⁸د څښتن په آواز دښتې په لړزان راولي دی په لړزان د قادش دښته

⁹د څښتن په آواز ولړزیږي ونې د څېړۍ او د ونو څخه پاڼې رژوي نو د خدای په کور کې هر یو تن د هغه جلال ستایي

¹⁰حکم چلوي څښتن سیلاب باندې وي هغه پاچا به تر ابده

¹¹ورکوي څښتن ولس خپل ته قوت ورکوي ورته د سولې برکت