Read Pashto (Nangahari) — د پښتو مقدس کتاب زبور 30 Bible Online

زبور 30 - Pashto (Nangahari) — د پښتو مقدس کتاب bible

زبور 30

¹ای څښتنه بیانومه ستا لویي ځکه تا یمه ژغورلی دښمنان دې زما نه دي پریښودلي چې په ما شي دوی خوشحاله

²ای څښتنه زما خدایه ما فریاد وکړ د ستا کومک دپاره تا شفا راکړله ماته

³زه د مرګ په لار روان وم تا له قبره وساتلم نوی ژوند دې راکړ ماته

⁴ای څښتن ته وفادارو خلکو! ثنا یې وایاست په سندرو باندې ساتئ یې په یاد شکر یې کړئ چې دا سپېڅلی دی

⁵وي غضب د ده د یو لحظې دپاره خو یې فضل وي د ټول عمر دپاره د شپې کیدای شي چې ژړا وي ټوله خو په سهار کې خوشحالي راځي

⁶چې مې احساس د بې غمۍ وکړ بیا مې د ځانه سره داسې وویل زه به هیڅکله په لړزان نه شم

⁷کله چې تا وکړلو فضل پر ما ای څښتنه زه دې د غره په شان قوي کړمه کله چې مخ دې رانه واړاوه زه وویریدم

⁸ما فریاد وکړ وتا ته ای څښتنه ما د رحم سوال وکړلو له تا نه

⁹څه فایده به ولري زما مرګی؟ څه فایده به وکړي چې زه قبر ته ورکښته شم؟ آیا خاورې به ویلای ستا ثناه شي؟ دا به وکړای شي بیان وفا د ستا؟

¹⁰کړه دعا زما قبوله ای څښتنه رحم وکړه ته په ما ای څښتنه مددګار شه ته زما!

¹¹تا زما ماتم بدل په خوشحالۍ او اتڼونو کړ تا د ویر جامې زما نه وویستلې دې جامې د خوشحالۍ راواغوستلې

¹²نو زه به غلی پاتې نه شم زه به وایم ستا ثناه د زړه له تله ای څښتنه! زما خدای یې تل تر تله به زه ستا شکر کومه