Read Pashto (Nangahari) — د پښتو مقدس کتاب زبور 32 Bible Online

زبور 32 - Pashto (Nangahari) — د پښتو مقدس کتاب bible

زبور 32

¹بختور دی هغه څوک چې سرکشي یې بخښل شوې هغه څوک چې ګناهونه یې معاف شوي

²بختور دی هغه څوک چې یې څښتن نه ګڼي پړ او هغه څوک چې د ټګۍ نه پاک وي

³کله چې نه کاوه اقرار په ګناهو خپلو مې نو ټوله ورځ به له زګېروو نه زه ستومانه ومه

⁴راکوله به سزا راته شپه او ورځ تا ای څښتنه ما قوت خپل بېخي ورکړلو له لاسه لکه څنګه چې د اوړي ګرمي وچ کړي لنده بل

⁵نو ما تاته اقرار وکړلو د خپلو ګناهونو پټ مې نکړل ما له تا نه خپل جرمونه دا مې وویل د خپل ځان سره په زړه کې: ‹زه به په خپلو سرکشیو باندې وکړمه اقرار څښتن ته> او تا زما ټول ګناهونه معاف کړل

⁶نو چې موقع نه وي د لاس ځنې وتلې باید ټول وفادار خلک دعا وغواړي له تا نه چې کله زیات شي تکلیفونه د سیلاب په شان تکلیف به دوی ته ور ونه رسیږي

⁷ته زما پناه یې ما به بچ کړې تکلیفونو نه زما د بچ کېدو نغمې چاپېره به ویلای شی

⁸څښتن وایي: ‹هغه لار به درته ښایم چې باید ته پرې وردرومې زه به وکړمه وتاته لارښوونه او په تا به نظر ساتم

⁹د قچر او آس په شان مه بې عقلېږئ چې کنترول یې په قیضه او واګو کیږي او که نه نو رابه نه شي ستاسو خوا ته>

¹⁰ډېر وي غمونه بدکارانو لره خو چې څوک کړي په څښتن باندې توکل ساتل کیږي به هغه د ده په مینه دوامداره

¹¹ای نېکانو، هغه څه چې څښتن کړي په هغو خوشحاله اوسئ او ښادي کړئ صادقانو، د خوښۍ ووهئ چیغې!