Read Pashto (Nangahari) — د پښتو مقدس کتاب زبور 33 Bible Online

زبور 33 - Pashto (Nangahari) — د پښتو مقدس کتاب bible

زبور 33

¹هغه کارونه چې څښتن کړي، نېکانو تاسو هغې دپاره ووهئ د خوشحالۍ چیغې ای د هغه منونکو، مناسب د هغه ستاینه ده

²وکړئ شکرونه د څښتن په غږولو د بینجو باندې هم موسیقي کړئ ورته جوړه په رباب سره

³هغه ته ووائئ سندره نوې په ښه سازونو سره او لوړ آوازونو سره

⁴د څښتن کلام رښتینی او صحیح دی ټول کارونه د هغه د باور وړ دي

⁵خوښوي څښتن نېکي او عدالت ده ځمکه ډکه د څښتن له دوامدارې مینې

⁶آسمانونه د څښتن په حکم جوړ شول په خبره یې د خولې لمر او سپوږمۍ او ستوري جوړ شول

⁷دریابونه یې ټول یو ځای کې راټول کړل کړل بحرونه هغه بند په لویو لویو ذخیرو کې

⁸پرېږدئ ټوله ځمکه د څښتن څخه په وېره شي پرېږدئ ټول خلک د نړۍ یې درناوی وکړي

⁹کله چې ده وکړو فرمان نو دا دنیا شوه پیدا د ده په امر ټول شیان شول ظاهر

¹⁰د قومونو پلانونه خداوند ورشنډوي نه پریږدي هغوی چې کړي حاصل خپل مقصدونه

¹¹خو تل تر تله کړي دوام د ده پلانونه تر آبده پورې وي به دوامدار یې مقصدونه

¹²چې خاوند یې وي خدای پاک نو هغه خلک بختور دي چې خپل ځان ته یې غوره کړي هغه خلک بختور دي

¹³لاندې ګوري له آسمان ځنې څښتن ویني مونږ ټول انسانان

¹⁴په آسمان کې له خپل تخت نه هغه څاري همه واړه اوسیدونکي د جهان

¹⁵دی جوړونکی د هغوی د ټولو زړونو هغه او هم خبر یې دی د ټولو عملونو هغه

¹⁶په خپل قوي لښکر پاچا کامیابېدلای نه شي په خپل زیات ځواک سره عسکر روغ راوتلای نه شي

¹⁷څوک چې په اس یقین لري بری موندلای نه شي که زورور وي اس بیاهم څوک بچ کولی نه شي

¹⁸څښتن ساتي خپل نظر په هغو خلکو چې کړي وېره له هغه نه څوک چې وکاندي تکیه د ده په مینه دوامداره

¹⁹او دوی ساتي له مرګي نه په وختونو د قحطۍ کې یې هم ساتي ژوندي

²⁰مونږ یو په امید کې کړو څښتن ته انتظار هغه زمونږ سپر دی مددګار زمونږ

²¹زمونږ زړونه دي خوشحال د ده په وجه ځکه مونږ د ده په پاک نامه توکل کړو

²²څنګه چې زمونږ امید وتا ته دی داسې دې ستا تلپاتې مینه وي زمونږه سره