Read Pashto (Nangahari) — د پښتو مقدس کتاب زبور 34 Bible Online

زبور 34 - Pashto (Nangahari) — د پښتو مقدس کتاب bible

زبور 34

¹تل ادا کوم به د څښتن شکر وي به همېش زما په شونډو د هغه ستاینه

²زه به یې وستایم په هغه چې یې کړي دي څه پرېږده ټول بې وزلي واوري او خوشحال شي

³د څښتن لویي زما سره اعلان کړئ راشئ یو ځای یې د نوم ستاینه وکړو

⁴ما دعا وکړه څښتن ته او هغه کړله قبوله زه یې کړم خلاص د ټولو ویرو ځنې

⁵څوک چې په هغه توکل کوي خوشحاله به وي هیڅکله نه به شي مایوسه هغوی

⁶دې بې وزله سړي وکړلو فریاد څښتن ځواب کړ هغه خلاص کړلو د ټولو مشکلاتو

⁷هغه خلک چې د څښتن څخه کړي وېره فرښته وي د څښتن د داسې خلکو نه چاپېره او خلاصون ورکوي دوی ته له خطره

⁸وګورئ ځان پوه کړئ چې څښتن دی څومره غوره بختور دي هغه څوک چې د هغه نه پناه غواړي

⁹وېره وکړئ له څښتنه د څښتن نېکانو محتاج به نه وي هغه خلک چې کړي د ده نه وېره

¹⁰شاید د لوږې او احتیاج ځنې ځوانان زمریان هم وځوریږي مګر هاغه چې رجوع وکړي څښتن ته د هغوی دپاره نه به وي کمی د نعمتونو

¹¹راشئ، بچیانو ماته غوږ ونیسئ چې د څښتن عزت کول درزده کړم

¹²آیا د ژوند خوند اخیستل غواړئ؟ آیا خوشحاله اوږد ژوندون غواړئ؟

¹³بد مه وایئ چا پسې دا خپله ژبه وساتئ تاسو د درواغو نه مو خپلې شونډې وساتئ

¹⁴نېکي کوئ له بدو لیرې ګرځئ وکړئ کوښښ د زړه له کومي تاسو سولې پسې

¹⁵دی د څښتن نظر نېکانو باندې او نیسي غوږ یې فریادونو لره

¹⁶خو دی څښتن د بد کارانو خلاف کله چې مړه شي نو به ژر د یاده ووځي دوی

¹⁷نېکان فریاد کوي څښتن ته او هغه یې اوري دوی خلاصوي له خپلو ټولو تکلیفونو څخه

¹⁸څښتن نژدې دی هغو خلکو ته چې زړونه یې مات وي ورکوي نجات هغو ته چې بایللی یې امید وي

¹⁹ډېر تکلیفونه په نېک شخص راځي خو هغو ټولو نه څښتن دا ژغوري

²⁰هغه ساتي یې ټول هډوکي د ده هیڅ یو ماتیږي نه له هغو څخه

²¹خپلې بدۍ له لاسه مړه به شي بدکاره خلک سزا به ورکړل شي هغو ته چې کړي کرکه د نېکانو څخه

²²څښتن نجات ورکوي خپلو بندګانو لره څوک چې هغه ته پناه یوسي نو مجرم به نه شي