Read Pashto (Nangahari) — د پښتو مقدس کتاب زبور 35 Bible Online

زبور 35 - Pashto (Nangahari) — د پښتو مقدس کتاب bible

زبور 35

¹مخالفت وکړه ته زما د دښمنانو سره ای څښتنه هغوی چې ما سره کړي جنګ ورسره وجنګیږه

²ته دې خپل سپر او خپله زغره واخله او راشه ته زما د مرستې لره

³خپله نېزه او جنګي تبر دې راپورته کړه ته د هغه چا په مقابل کې چې په ما پسې دي دغه ډاډ راکړه چې به ماته راکوې خلاصون

⁴هغه کسان چې غواړي ما ووژني هغوی دې ماتې سره مخ شي او رسوا دې شي زما په ضد چې دسیسې جوړوي شي دې په شا وتمبولی وارخطا دې شي

⁵دوی دې د بوسو په شان شي چې باد یې الوزوي او فرښته د خداوند دې هغو وزغلوي

⁶په هغه وخت چې فرښته د خداوند وي په هغوی پسې د هغوی لاره دې تیاره شي ښویېدونکې دې شي

⁷بې سببه هغوی ایښی راته دام دی راته کنده یې ایستلې چې مې ښکېل کړي

⁸شي دې برباد ترڅو پوهیږي په ځان دوی دې په خپل دام کې په خپله ګېر شي ودې غورځیږي او برباد دې شي په هغه کنده کې چې دوی کېندلې

⁹نو بیا زه به شم خوشحاله له سببه د څښتن زه به کړمه خوشحالي ځکه خلاصون یې دی راکړی

¹⁰د زړه له کومي به څښتن ته وایم: ‹نشته هیڅوک د ستا په شان څښتنه له زورورو څخه ژغورې ته کمزوري خلک ته خواران خلک ژغورې له ظالمانو>

¹¹بدکاران زما په ضد شاهدي وایي د هغو جرمونو تور راباندې وایي چې خبر ورڅخه نه یم

¹²د نېکۍ بدل کې ما سره بدي کړي زه یم ډوب ناامیدۍ کې

¹³خو چې کله به هغوی شول رنځوران نو د غم جامې به ما په تن کولې په روژه نیولو ځان مې ځورولو ما خپل سر به ټیټاوه کړله دعا مې

¹⁴لکه چې دوست او یا خپل ورور سره خفګان مې کاوه سر به مې ټیټ کړلو له غمه ځنې لکه چې څوک کوي ژړا په خپلې مور باندې

¹⁵کله چې زه وم په تکلیف کې، دوی خوشحاله وو ټول سره راټول شول او ملنډې یې وهلې په ما پردیو خلکو به وهلمه زه او دوامداره تماشه به یې زما کوله

¹⁶د هغو خلکو په شان څوک چې وهي ریشخند ملنډې په ګوډانو باندې دوی چیچل ماته د نفرت غاښونه

¹⁷ترڅو به ګورې ورته، ای څښتنه؟ د دې خلکو د بریدونو نه مې خلاص کړه د دې زمریانو نه مې ژوند وژغوره

¹⁸بیا به د ستا د قوم په غونډه کې ستا شکر کړمه د هغو ټولو مخکښې زه به ستا ثناه وایمه

¹⁹زما بې سببه دښمنان مه پرېږده چې شي خوشحاله زما په ماتې باندې مه یې پرېږده چې بې سببه کړي زما نه کرکه چې کړي خندا د خوشحالۍ زما په غم باندې

²⁰د خیر خبرې نه کوي د شر خبرې کاندي پلانوي درواغ د هغو پسې څوک چې په سوله کې ژوندون تیروي

²¹دوی په ما لګوي تور او وهي چیغې: ‹واه! واه! تا چې څه وکړل مونږ ولیدل>

²²خو ای څښتنه ولیدل تا هرڅه نو چوپ کېږه مه څښتنه ته له ما مه لیرې کېږه

²³ای څښتنه، شه راپورته او دفاع راڅخه وکړه شه راپورته، زما خدایه، ته زما د دعوی وکړه وکالت

²⁴ته عادل یې ای څښتنه، نو زما بې ګناهي کړه ته اعلان ته زما دښمنان مه پرېږده چې ما باندې خوشحال شي

²⁵هغوی مه پرېږده چې ووایي خپل منځ کې: ‹مونږ هغه له منځه یووړ! هغه څه چې مونږ غوښتل هغسې وشول!>

²⁶څوک چې زما په بدبختۍ کې خوشحالي کړي هغوی دې سمه ماتې وخوري وارخطا دې شي څوک چې خپل ځان له ما بهتر ګڼي شي په جامه د شرم پټ دی او رسوا دې شي

²⁷هغوی چې غواړي ما برحق وویني د خوشحالۍ چیغې دې ووهي او تل دې وایي: ‹څومره لوی دی څښتن! په سوکالۍ د خپل خادم باندې خوشحاله دی>

²⁸ستا عدالت به بیا په ژبه زه بیان کړمه او ټوله ورځ به زه د ستا ثناه صفت کړمه