Read Pashto (Nangahari) — د پښتو مقدس کتاب زبور 38 Bible Online

زبور 38 - Pashto (Nangahari) — د پښتو مقدس کتاب bible

زبور 38

¹مه په قهریږه ای څښتنه او ما مه رټه ته په خپل غضب سره دې ماته سزا مه راکوه

²په خپلو غشو دې زخمي کړمه زه او په خپل لاس باندې دې ووهلم

³زما بدن کې روغ ځای نشته ستا د قهر له لاسه حتیٰ هډوکي مې خوږیږي د ګناه له لاسه

⁴زه د خپلو ګناهونو په سمندر کې یم ډوب شوی هغه دي دومره درانه چې وړای یې نه شم

⁵په سبب زما د خپلې احمقۍ پرهارونه مې خوسا شول بوی ترې خېژي

⁶زه کړوپ شوی یمه زه یم ځپل شوی ټوله ورځ زه ویر کومه

⁷زه له تبې نه خوټکېږم زما بدن کې روغ ځای نشته

⁸زه له کاره یم لویدلی او بېخي یمه مات شوی زما زړه دی ناقراره او له درده زګیروي کړمه

⁹ای څښتنه، ته پوهیږې چې زه څه ارمان لرمه ټول زګیروي ته زما اورې

¹⁰زړه مې درزیږي او قوت رانه لاړ زما د سترګو دید کمزوری شولو

¹¹نه رانژدې کیږي په سبب د ناروغۍ راته ټول زما ملګري ګاونډیان زما حتیٰ تر دې چې زما خپله کورنۍ هم رانه لیرې ګرځي

¹²هغوی چې غواړي چې ما مړ کړي راته ږدي دامونه هغوی چې غواړي راته زیان ورسي د بربادۍ کوي ګواښونه راته ټوله ورځ دوی خپل پلانونه او دسیسې جوړوي

¹³زه د هغه کوڼ په شان یم چې څه نه اورمه او د هغه ګونګ په شان یم چې هیڅ نه کوي خبرې

¹⁴زه یم د هغه چا په څېر چې په دفاع خپله کې نه شم دلیل ویلی ځکه چې نه اورمه

¹⁵مګر تا باندې باور لرم څښتنه او ای زما څښتنه خدایه، راکوې به ته ځواب

¹⁶سوال مې وکړ: ‹مه پرېږده غلیم زما وکړي خوشحالۍ زما په غم باندې مه پرېږده هغوی چې لاپې ووهي زما په ناکامۍ او بدبختۍ باندې>

¹⁷یمه نژدې چې زه راپرېوځمه مدام دي مل راسره زما دردونه

¹⁸زه اقرار کوم د خپلو ګناهونو یمه ډېر زه پریشان د دې له وجې

¹⁹دښمنان زما قوي او صحتمند دي هغوی ډېر دي چې کوي کرکه له ما نه بې سببه

²⁰هغه خلک چې بدي کړي د نېکۍ په بدله کې هغوی دي زما په ضد ځکه زه کړمه کوښښ چې نېک کار وکړم

²¹ته ما مه پرېږده څښتنه لیرې کېږه مه له ما نه زما خدایه!

²²ژر راشه کومک وکړه زما سره ای څښتنه ته زما یې خلاصوونکی!