Read Pashto (Nangahari) — د پښتو مقدس کتاب زبور 45 Bible Online

زبور 45 - Pashto (Nangahari) — د پښتو مقدس کتاب bible

زبور 45

¹زړۀ کښې مې وګرځیدله څهٔ ښکلې شان خبره د بادشاه په باره کښې زهٔ وایم ښۀ غوندې سندره، د ماهر ليکوال په شان قلم دے زما ژبه.

²په ټولو سړو کښې د هر چا نه ښائسته يې تهٔ ستا د خولې خبرې ښکلې ملغلرې دی، د تل دپاره تهٔ خُدائ بختور کړے يې.

³خپله تُوره دې راواخله اے جنګيالیه، تهٔ ډیر شان او شوکت او دبدبه لرې.

⁴په خپله دبدبه او جلال کښې راشه د کامیابئ دپاره، چې د حقيقت، عاجزئ او اِنصاف شې طرفداره ستا ښے لاس دې تا ته یرونکی او عجيبه کارونه کړى در زده

⁵ستا تېرۀ غشې دې د دشمنانو زړهٔ غوڅ کړی، ستا په خپو کښې دې ټول قومونه راګذار شی.

⁶اے پاکه خُدایه، ستا تخت، به تر ابده پاتی وی، د اِنصاف امسا به ستا د بادشاهئ امسا وی.

⁷تهٔ د صداقت سره مینه او د شرارت نه نفرت کوې، نو ځکه خُدائ پاک، ستا خُدائ پاک تهٔ د خوشحالئ په تیلو مسح کړے يې. او تهٔ يې په خپلو دوستانو کښې اوچت کړے يې.

⁸ستا د جامو نه د مصالحو، د پيپل او کيکر عطرو خوشبوئى راځی، ستا په ښکلې محلونو کښې سازونه د رباب تا خوشحالوی.

⁹ستا عِزتمندو ښځو کښې د بادشاهانو لوڼه شاملې دی، د اوفير د زرو ډکه ملکه دې ښې لاس ته ولاړه ده.

¹⁰اے شاهزادګۍ، ماته غوږ شه، څهٔ چې درته زهٔ وایم په هغې غور وکړه، د خپل پلار کور او خپل خلق هير کړه.

¹¹ستا ډول او سنګار به بادشاه خپل طرف ته راکاږی، ځکه چې هغه ستاسو مالِک دے د هغهٔ تابعدارې اوسئ.

¹²تا له د ډالو سره د صور خلق به راشی، دولت مند خلق به ستا مهربانى غواړى.

¹³شاهزادګۍ به په محل کښې ښکلې ښکاری، د سرو زرو تارونو نه يې جامې دى جوړې شوې.

¹⁴د ګلکارۍ په جامو کښې يې بادشاه له راوستله، پیغلې ملګرې هم ورسره راروانې دی.

¹⁵خاندى خوشحاليږى راروانې دی، او د بادشاه محل ته رادننه شی.

¹⁶ستا زامن به د خپل پلار‌نيکۀ په شان بادشاهان جوړ شی، تهٔ به هغوئ په ډيرو ملکونو حُکمرانان جوړ کړې.

¹⁷نسل در نسل به زهٔ ستا نوم د عزت قابل کړم، نو قومونه به تر ابده پورې ستا ثناء خوان وی.