Read Pashto (Nangahari) — د پښتو مقدس کتاب زبور 57 Bible Online

زبور 57 - Pashto (Nangahari) — د پښتو مقدس کتاب bible

زبور 57

¹رحم په ما وکړه، پاکه خُدايه، رحم غواړم، او تا له درځمه او زهٔ ستا نه امان غواړم. ستا د وزرو په سورى کښې پناه غواړم ترڅو چې خطرناک طوفان تير شی.

²زۀ خو خُدائ تعالىٰ ته سوال زارى کوم، کوم خُدائ پاک چې خپل مقصد زما دپاره سر ته رسوی.

³هغه به زما د خلاصُون دپاره د آسمان نه مدد راولیږی، او څوک چې ما ګیرول غواړى هغوئ به شرمنده کړی. خُدائ پاک دې ما ته خپله ابدى مينه او وفادارى وښائی.

⁴د یرونکو زمرو په مينځ کښې راګیر شوے یم، کوم چې د بنیادم غوښو خوړلو ته اوږے ناست وی، او د چا غاښونه چې د نیزو او غشو په شان وی او ژبې يې تیرې تورې وی.

⁵پاکه خُدایه، خپل عظمت دې په آسمانونو کښې څرګند کړه، او خپل جلال دې په ټوله زمکه باندې وځلوه.

⁶زما دشمنانو ما ته دامونه خوارۀ کړی دی، زهٔ د خپلې پریشانئ په وجه ستړے شوے یم. زما په لار کښې دوئ کنده جوړه کړې ده. خو په خپله هم دوئ په کښې غورزیدلی دی.

⁷زما زړهٔ مطمئن دے زړهٔ مې په تا مطمئن دے پاکه خُدایه، زۀ به هر وخت په سرود کښې ستا ثناء صِفت کوم.

⁸زما زړګيه پاڅه، زما بينجو او ربابه پاڅه، زۀ د سحر سباون په ثناء او صفت راپاڅوم.

⁹اے مالِکه خُدايه، زهٔ به ستا شکریه په ټولو خلقو کښې ادا کړم، زۀ به ټولو قومونو کښې ستا صفت بيان کړم.

¹⁰ستا ابدی مينه آسمانونو ته رسیږی، هم ستا وفادارى آسمانونو سره لګیږی.

¹¹پاکه خُدایه، خپل عظمت دې په آسمانونو کښې څرګند کړه، او جلال دې په ټوله زمکه باندې وځلوه.