Read Pashto (Nangahari) — د پښتو مقدس کتاب زبور 59 Bible Online

زبور 59 - Pashto (Nangahari) — د پښتو مقدس کتاب bible

زبور 59

¹ما د خپلو دشمنانو نه خلاص کړه، پاکه خُدایه، څوک چې زما خلاف حملې کوى ما د هغوئ نه بچ کړه.

²ما د بدکارانو نه بچ کړه، ما د قاتلانو نه آزاد کړه.

³زما د وژلو دپاره پټ ناست دی، او خطرناک دشمنان زما خلاف رایوځائ شوى دی، کۀ څهٔ هم ما د دوئ خلاف هيڅ ګناه نهٔ ده کړې.

⁴چا سره مې هم بد نۀ دی کړی خو بيا هم ځان د حملې دپاره تياروی. راپاڅه او حال مې ګوره چې څهٔ وشول او مدد دپاره راشه.

⁵اے مالِکه قادر مطلق خُدایه، د بنى اِسرائيلو خُدایه، راپاڅه او ټولو قومونو ته سزا ورکړه، دې بدکارو غدارانو باندې هيڅ رحم مه کوه.

⁶هغوئ هر ماښام لکه د کوڅه ډب سپو په شان راوځی، کله چې د ښار په لارو کوڅو کښې ګشت کوی نو غپیږی.

⁷وګورئ چې د خپلو خُلو نه څنګه ګډې وډې نوستل کوی، د دوئ ‎ژبې لکه د تيرو تورو په شان غوڅول کوی، دوئ په زړهٔ کښې وا‎ئی چې، ”څوک هم مونږ نه خبر نهٔ دی!“

⁸خو تۀ، اے مالِکه خُدايه، هغوئ پورې خندا کوې، تۀ په دوئ ټولو غیر قومونو پورې مسخرې کوې.

⁹پاکه خُدایه تۀ زما زور يې، زما سترګې تا ته دی، خو هم دا تۀ زما پناه ګاه ئې.

¹⁰زما مینه ناک خُدائ به د مدد دپاره ما سره جوړه شی، او ما ته به د خپلو دشمنانو شکست راپه ګوته کړی.

¹¹خو تهٔ دوئ مه وژنه، اے مالِکه زمونږ ډاله، ځکه چې زما قوم به دا سبق هير کړی. په خپل طاقت دې دوئ تس نس کړه او تهٔ دوئ ښکته راګزار کړه،

¹²د خپلې خولې او د شونډو د ګناه په وجه چې کومه کوی، په هم هغه ښیرو او دروغو او کبر کښې دې په خپله راګیر شی.

¹³په خپل قهر سره دې دوئ تباه کړه، چې یو هم پاتې نهٔ شی بلکل يې جارو کړه. نو ټوله دنيا په دې خبر کړه، چې خُدائ په بنی اِسرائيلو حکومت کوی.

¹⁴زما دشمنان هر ماښام لکه د کوڅه ډب سپو راواپس کیږی، کله چې د ښار په لارو کوڅو کښې ګشت کوی نو غپیږی.

¹⁵ګرځى لکه سپى هسې خوراک پسې، پاتې چې شى اوږی، کوى سپى هسې غرار.

¹⁶خو زۀ به ستا طاقت بيانوم، زهٔ به ستا مينه هر سحر په خوشحالئ سره ستائم. هم دا تهٔ زما اوچته قلعه او پناه ګاه يې او په تکلیفونو کښې زما خلاصُون يې.

¹⁷تهٔ زما زور او طاقت یې زۀ به ستا ثناء صِفت کوم، تهٔ په خپله زما پناه ګاه يې، پاکه خُدایه او کوې ما سره مینه.