Read Pashto (Nangahari) — د پښتو مقدس کتاب زبور 61 Bible Online

زبور 61 - Pashto (Nangahari) — د پښتو مقدس کتاب bible

زبور 61

¹اے پاکه خُدایه، زما سوال زارى واوره، او زما دعا ته غوږ ونیسه.

²د دنيا د اخر نه تا ته نارې وهم، کله چې زړهٔ زما بې حاله شی. اوچت ګټ ته مې بوځه او ما ته هلته پناه راکړه.

³ځکه چې تۀ زما مضبوط برج او پناه ګاه يې، چرته چې د دشمن نه په امان کښې يم.

⁴زهٔ غواړم چې تر ابده ستا مقدس ځائ کښې اوسیږم، او ستا د وزرو لاندې پناه واخلم.

⁵تا، زما منختې پاکه خُدايه، اورېدلې دی، او هم هغه میراث دې ما ته راکړے دے کوم چې هغوئ ته ورکوى څوک چې ستا نه يریږی.

⁶بادشاه ته د عمر ورځې ډیرې کړه، د هغهٔ عمر تر ډيرو نسلونو پورې زيات کړه.

⁷هغه دې د خُدائ پاک په حضُور کښې د تل دپاره بادشاهی وکړی، هغهٔ ته خپله مینه او وفا وروښایه چې دے حفاظت وکړی.

⁸نو دغه شان به ټول عمر ستا د نوم ثناء صِفت کوم، چې ما څنګه وعدې در سره کړی دی هغه روزانه پوره کوم.