Read Pashto (Nangahari) — د پښتو مقدس کتاب زبور 67 Bible Online

زبور 67 - Pashto (Nangahari) — د پښتو مقدس کتاب bible

زبور 67

¹خُدائ پاک دې په مونږ مهربانه شی او مونږ ته دې برکت راکړی، او په مونږ دې د خپل مخ رڼا وځلوی.

²او په ټوله دنيا کښې دې ستا لارې وپیژندلے شی، ستا د خلاصُون نه دې ټول قومونه خبر شی.

³اے پاکه خُدایه، په ټولو قومونو دې ستا ثناء صفت بيان شی، او ټول قومونه دې ستا ثناء خوان شی.

⁴ټول قومونه دې ستا خوشحالى وکړی او د خوښې سندرې دې ووائی، ځکه چې تۀ د قومونو اِنصاف کوې او د دنيا خلقو ته لارښودنه کوې،

⁵ټول قومونه دې ستا ثناء صِفت بيان کړى، اے پاکه خُدايه، ستا په صِفت دې ټول قومونه ثناء خوان شی.

⁶نو بیا به زمکه خپل پیداوار ورکړی، خُدائ پاک زمونږ خُدائ به مونږ له برکت راکړی.

⁷خُدائ پاک به مونږ ته برکت راکړی، او د دنيا تر آخره ټول خلق به د هغهٔ نه ویره وکړی.