Read Pashto (Nangahari) — د پښتو مقدس کتاب زبور 7 Bible Online

زبور 7 - Pashto (Nangahari) — د پښتو مقدس کتاب bible

زبور 7

¹ای څښتنه، زما خدایه، ما پناه راوړې تاته وژغوره ما خلاص کړه د دوی ټولو راپسې چې دي

²هسې نه چې د زمرو په شان مې بوزي هغه ځای ته، چې مې څوک د خلاصون نه وي ما به کړي ټوټې ټوټې په هغه ځای کې

³۳‏-۴ ای زما څښتنه پاکه خدایه زما که مې کړې وي له چا سره بدي یا مې کړی وي کوم دوست سره خیانت یا بې سببه مې په خپل دښمن تیری کړی وي که مې کړی وي کوم کار له دې کارونو،

⁵نو بیا پرېږده دښمنان مې راپسې شي او ما ګېر کړي کړي پایمال مې او ما مړ کړي هم عزت زما له خاورو سره خاورې

⁶په خپل قهر کې راپورته شه څښتنه! زما د دښمنانو د غضب په مقابل کې شه راپورته نو اوس راویښ شه زما پاکه خدایه برقرار کړه عدالت چې ته یې غواړې

⁷ټول قومونه دې خپل ځان باندې راغونډ کړه حکومت وکړه په هغو له آسمانه

⁸ته قاضي یې د همه واړه قومونو زما حق کې قضاوت وکړه څښتنه ته پوهیږې چې صادق او بې ګناه یم

⁹خدایه پاکه ته عادل یې عدالت کې ته ازمایې زړه او فکر د هرچا د بدکارو د بدیو مخه نیسه اجر ورکړه هغه چاته چې نېکان دي

¹⁰پاک خدای دی سپر زما هم ژغورونکی د هغو دی چې په زړونو کې صادق وي

¹¹پاک خدای دی عادل قاضي بدکاران همېش غندي

¹²که دوی نه کړلې بدلې خپلې لارې خدای به ورته توره کړي تېره خپله هغه کشوي تیاروي ورته لینده خپله

¹³کړه وسله ورته وژونکې یې تیاره جوړوي ورته هم غشي سوزوونکي

¹⁴ګورئ څنګه کوي فکر د بدۍ دا بدکاران جوړوي د ځورولو پلانونه دروغ وایي

¹⁵نورو خلکو ته چې دوی کني کوهیان شي به ورګوزار په خپله هغه کې

¹⁶ومومي سزا د خپلو بدو به ظلم به خپل په دوی راوګرځیږي

¹⁷شکر به وکړم له څښتنه د انصاف دپاره څښتن تعالیٰ ته به ثناه وایمه