Read Pashto (Nangahari) — د پښتو مقدس کتاب زبور 75 Bible Online

زبور 75 - Pashto (Nangahari) — د پښتو مقدس کتاب bible

زبور 75

¹مونږ پاکه خُدايه ستا شکر کوُو، مونږ شکر کوُو چې ستا نوم نزدې دے، او خلق ستا د عجيبه کارونو په حقله خبرې کوی.

²تا ووئیل چې، ”مقرر شوے وخت زهٔ په خپله خپل ځان له خوښوم، دا زهٔ یم چې دغه رنګ د اِنصاف فیصلې کوم.

³کله چې دنيا او هر ژوندې څیز هم په کښې لړزیږی، خو دا زهٔ یم چې د دې ستنې مې کلکی نیولى دی.

⁴مغرورو ته وايمه چې لافې نۀ کوی، او بدکارانو ته وايمه چې په خپل قدرت فخر نهٔ کوی،

⁵خپل ښکرونه د آسمان خلاف مه اوچتوئ، او په هسکه غړئ خبرې مه کوئ.“

⁶هیڅ څوک د مشرق نه تر مغربه پورې نشته، او نۀ په صحرا کښې څوک شته چې اِنسان اوچت کړی.

⁷خو دا خُدائ پاک دے څوک چې اِنصاف کوی، او هغه یو لاندې کوی او بل اُوچتوى.

⁸د مالِک خُدائ په لاس کښې پیالئ ده، چې د هغهٔ د غضب د ترخو شرابو نه ډکه ده، هغه يې توئیوى چې د دنيا ټول بدعمله خلق يې تر آخره پورې وڅښى.

⁹خو زۀ به يې تر ابده پورې ستايم، زۀ به په سندرو کښې د یعقوب د خُدائ پاک ثناء صِفت کوم.

¹⁰مالِک خُدائ فرمائی چې زهٔ به د ټولو شريرانو ښکرونه مات کړم، خو د نېکانو ښکرونه به اوچت کړم.