Read Pashto (Nangahari) — د پښتو مقدس کتاب زبور 82 Bible Online

زبور 82 - Pashto (Nangahari) — د پښتو مقدس کتاب bible

زبور 82

¹خُدائ پاک په خپل آسمانى دربار کښې ولاړ دے، او د نورو معبودانو په مينځ کښې عدالت کوى:

²”تر څو پورې به تاسو په بې اِنصافئ سره فیصلې کوئ، تر څو پورې به تاسو د بدکارو طرفدارے کوئ؟

³د غریب او د یتيم د حق نه حفاظت وکړئ، او د حاجتمندو او بې وسو د حق سره اِنصاف کوئ.

⁴کمزورى او حاجت مند بچ کړئ، او هغوئ د بد عملو د لاسونو نه خلاص کړئ.“

⁵ظالمانو ته هیڅ پته نشته او په هیڅ نۀ پوهېږی. دوئ په تیارو کښې ګرځیږی، د زمکې ټول بنيادونه ښوزېدلى دی.

⁶ما وئيل چې، ”تاسو خو خُدايان يئ، تاسو ټول د خُدائ تعالىٰ بچيان يئ.

⁷خو تاسو به هم د فانی مخلوق په شان مړهٔ شئ، تاسو به هم لکه د نورو بادشاهانو راګذار شئ.“

⁸پاکه خُدايه، راپاڅه، د دې زمکې عدالت وکړه، ځکه چې ټول قومونه ستا ميراث دی.