Read Pashto (Nangahari) — د پښتو مقدس کتاب زبور 87 Bible Online

زبور 87 - Pashto (Nangahari) — د پښتو مقدس کتاب bible

زبور 87

¹هغهٔ د ښار بُنياد په مقدس غر باندې لګولے دے.

²د صيون د ښار سره مالِک خُدائ مینه کوی د یعقوب د نورو ښارونو په نسبت ورسره زیاته مینه کوی.

³ستا په حقله د جلال خبرې شوې دی، اے د خُدائ پاک ښاريې.

⁴څوک چې ما پیژنی زهٔ به په هغوئ کښې مصر او بابل وشمېرم. فلسطين او صور او هم ايتهوپيا. زهٔ به دا وایم چې، ”دا هم په صيون کښې پیدا شوی دی.“

⁵خو د صيون په حقله به وئيلے شی، ”هر څوک چې په دې ښار کښې پیدا شوی وُو نو هغه به د دې ښار شمیرلے شی، او خُدائ تعالىٰ به په خپله دې ښاریې ته برکت ورکړی.“

⁶مالِک خُدائ به د قومونو په مردم شمارئ کښې داسې وليکی، چې، ”دا دی هغه خلق چې صيون کښې پېدا شوى دی.“

⁷نو خلق به شپیلى غږوی او سندرې به وائى، چې، ”صيون د ټولو برکتونو سرچشمه ده.“