Read Pashto (Nangahari) — د پښتو مقدس کتاب زبور 93 Bible Online

زبور 93 - Pashto (Nangahari) — د پښتو مقدس کتاب bible

زبور 93

¹مالِک خُدائ بادشاهی کوی او د عزت چوغه يې اغوستې ده، او د هغهٔ لاسونه زورَور دی مالِک خُدائ د شان او شوکت چوغه اغوستې ده. دنيا نهٔ شی ښوزیدے هغهٔ مضبوطه جوړه کړې ده.

²ستا تخت د پخوا نه قائم شوے دے، او ستا ذات د ازل نه موجود دے.

³اے مالِکه خُدایه، سمندرونه راپاڅیدلی دی، سیندونو شورونه جوړ کړی دی، سیندونو خپلې ناترسې چپې راپورته کړی دی.

⁴مالِک خُدائ د ډيرو اوبو د شور نه هم زورَور دے، او د سمندر د موجونو نه هم زورَور دے. بره مالِک خُدائ د دې ټولو نه زورَور دے.

⁵ستا اصُول او قانون قائم دے. او پاکوالے ستا د کور ښائست دے، تر ابده پورې اے مالِکه خُدايه.