Read Pashto (Nangahari) — د پښتو مقدس کتاب متلونو 18 Bible Online

متلونو 18 - Pashto (Nangahari) — د پښتو مقدس کتاب bible

متلونو 18

¹ځانګړے کس هر څهٔ د خپلې خوښې په مطابق کوى، او د هرې صحيح فيصلې مخالفت کوى.

²کم عقل د پوهې نه خوند نهٔ شى اخستے، خو هغه په خپلو نظريو څرګندولو خوشحاليږى.

³کله چى بدکارى راشى نو رسوائى هم راځى، او د شرم سره سپکوالے راځى.

⁴د انسان د خلې خبرې لکه ژورې اوبۀ دى، او د حِکمت چينه لکه بهيدونکې وله ده.

⁵دا ښۀ خبره نۀ ده چې د مجرِم طرفدارے وشى يا بې ګناه د اِنصاف نه محروم شى.

⁶د کم عقل خبرې جنګ جوړوى، او خپل ځان وهلو ته جوړوى.

⁷د کم عقل خولهٔ د هغۀ خپله تباهى ده، او د هغهٔ خبرې د هغهٔ د خپل ځان دام دے.

⁸د غيبت کوونکې خبرې لکه د خوندور خوراک په شان وى، دا بلکل د سړى دننه بدن ته کُوزيږى.

⁹څوک چې په خپل کار کښې سست وى هغه لکه د هغه ورور په شان دے څوک چې تباهى راولى.

¹⁰د مالِک خُدائ نوم مضبوطه قلعه ده، صادِقان هلته منډه وهى او په حفاظت کښې وى.

¹¹د مالداره دولت د هغوئ دپاره د مضبوط ښار په شان وى او په دې خيال چې دا به د هغوئ د حفاظت يو اوچت ديوال وى.

¹²د تباهۍ نه وړاندې د انسان زړهٔ کښې کبر وى، خو د عزت نه وړاندې عاجزى راځى.

¹³څوک چې د خبرې آوريدو نه مخکښې جواب ورکوى، دا د هغۀ کم عقلتوب دے او د هغۀ شرم دے.

¹⁴د انسان روح بيمارى هم برداشت کولے شى، خو مات روح به څوک وزغمى؟

¹⁵هوښياران هميشه د علم حاصلولو په لټون کښې وى، او د هغوئ غوږونه د علم زده کولو دپاره تيار وى.

¹⁶تحفه د انسان دپاره لار خلاصوى، او د هغهٔ لاس تر غټو خلقو پورې رسوى.

¹⁷څوک چې په عدالت کښې خپله دعوىٰ اول پيش کړى نو هغه صحيح ښکارى تر څو چې بل څوک راشى او هغۀ نه تپوسونه شروع کړى.

¹⁸په پچې اچولو جنګونه ختميږى، او د مضبوطو مخالفينو په مينځ کښې جنګ ختموى.

¹⁹د يو خفه شوې ورور رضا کول د يو مضبوط ښار د فتح کولو نه سخت وى، او جنجالونه د قلعې دروازو ته اړمونه اچوى.

²⁰د خپلې خولې په ميوه انسان خپله خيټه مړه کړى او د خپلو شونډو په فصل هغه مطمئن شى.

²¹په ژبه کښې د مرګ او ژوند طاقت شته دے، او څوک چى دې سره مينه کوى هغوئ ته به يې نتيجه مِلاو شى.

²²چا ته چى ښۀ ښځه مِلاو شوه دا د هغۀ دپاره خزانه ده، او هغه ورته د مالِک خُدائ د خوا نه برکت دے.

²³غريب سړے د رحم دپاره منت زارى کوى، خو مالداره سړے په سختۍ سره جواب ورکوى.

²⁴ځينې دوستان يو بل ته کنده کنى، خو رښتينے دوست د خپل ورور نه هم وفادار وى.