Read Pashto (Nangahari) — د پښتو مقدس کتاب مُعلِم 11 Bible Online

مُعلِم 11 - Pashto (Nangahari) — د پښتو مقدس کتاب bible

مُعلِم 11

¹خپله روټئ په اوبو باندې وغورزوه چې لاړه شى او ډيرې ورځې پس به دا تا ته بيا مِلاو شې.

²خپلې پېسې په اووۀ يا اتۀ ځايونو کښې بندې کړه، ځکه چې هيڅ پتۀ نۀ لږى چې څۀ آفت به په زمکه باندې راپيښ شى.

³کله چې وريځې درَنې وې نو باران کېږى. کله چې ونه د شمال يا د جنوب په طرف پرېوزى نو هم هلته پرته وى.

⁴هغه زميدار څوک چې د هوا رخ ته ګورى هغه به خپل فصل نۀ کرى. او هغه زميدار څوک چې وريځو ته ګورى هغه به خپل فصل نۀ ريبى.

⁵لکه څنګه چې تا ته د هوا رخ نۀ معلوميږى او نۀ درته دا پته لږى چې د مور په خيټه کښې ماشوم څنګه جوړيږى! نو داسې تۀ د خُدائ پاک په کارونو هم نۀ پوهيږې، څوک چې د هر څۀ خالق دے.

⁶د سحر په وخت خپل تخم کره او تر ماښامه پورې په کار کښې بوخت اوسه، ځکه چې تا ته څۀ پته ده چې په کوم کار کښې کاميابې ده، په دې کښې، په هغې کښې او يا په دواړو کښې يو شان.

⁷رڼا ښۀ ده او د نوى سحر رڼا په سترګو ښۀ لږى.

⁸کله چې انسان تر ډير وخته پورې ژوندې پاتې شى نو هغوئ دې د ژوند هره لحظه خوشحاله تيروى. خو دا هم ياد ساتل پکار دى چې د مشکل ډيرې ورځې راروانې دى. او څۀ چې به کيږى هغه يو راز دے.

⁹اے ځوانانو، په خپله ځوانۍ خوشحاله اوسئ او د ځوانۍ نه خوند اخلئ. او څۀ چې ستاسو زړۀ غواړئ او په سترګو مو ښۀ لږى نو هغه کوئ، خو دا خبره ياده ساتئ چې خُدائ پاک به درسره د هر کار او عمل حِساب کوى.

¹⁰د خپل زړۀ نه خفګان او د وجود نه غم درد لرې ساتئ ځکه چې ځوانى او تور سر د يوې لحظې دپاره وى.