Read Pashto (Nangahari) — د پښتو مقدس کتاب مُعلِم 12 Bible Online

مُعلِم 12 - Pashto (Nangahari) — د پښتو مقدس کتاب bible

مُعلِم 12

¹هم په ځوانۍ کښې خپل خالِق ياد ساته، د هغې نه مخکښې چې د مصيبت ورځې راشى، او هغه کالونه راشى او تۀ پکښې ووايې چې، ”د ژوند هيڅ مزه نشته.“

²هغه ياد ساته، د دې نه مخکښې چې د نمر، سپوږمۍ او د ستورو رڼا تا ته تته ښکاره شى او د باران نه پس بيا وريځې راواپس شى.

³د هغې نه مخکښې چې ستا د کور څوکيداران په ريږديدو شى، او ستا طاقتور سړى راکونټى شى، او ستا د ميچنې کولو والا ښځې کار پريږدى ولې چې هغوئ لږې دى، او هغه زنانه چې د کړکو نه ګورې د هغوئ نظر کم دے.

⁴د هغې نه مخکښې چې د کوڅې دروازې بندې شى او د ميچنې آواز په مزه شى. او تۀ د مارغانو په اولنو سندرو راپاڅې خو بيا د هغوئ ټولې سندرې په تا په مزه لږى.

⁵د هغې نه مخکښې چې تۀ د اُوچتو ځايونو او د کوڅو د خطرو نه يرېږې. د هغې نه مخکښې چې ستا ويښتۀ سپين شى داسې لکه چې د بادامو ګلونه کولاو شى او تۀ د پښو نه پاتې شى داسې لکه مولخ پښې راکاږى، او ستا شهوت ختم شى. هغه ياد ساته د هغې نه مخکښې چې ستا پښې په قبر کښې وى کوم چې به ستا ابدى کور وى، او کله به چې خلق ستا په جنازه کښې ماتم کوى.

⁶د هغې نه مخکښې چې د سپينو زرو زنځير وشلېږى، د سرو زرو لوخے ټوټې ټوټې شى، او چينې سره د اُبو بوکه به وشلېږى او د کُوهى سَرخئ ماته شى.

⁷بيا به خاوره واپس خاورې شى او روح به خُدائ پاک له واپس لاړ شى، چا چې هغه ورکړے وو.

⁸نو معلِم وائى، ”هر څۀ بې معنى دى، دا هر څۀ بې معنې دى.

⁹معلِم په خپله هوښيار وو او خلقو له يې هم د علم تعليم ورکولو. هغۀ په ډيرو متلونو باندې غور او فکر کولو او ترتيب وار يې جمع کړل.

¹⁰د معلِم کوشش دا وو چې خوږې خبرې ولټوى، او ديانتدارئ سره رښتينى خبرې وليکى.

¹¹د هوښيارانو خبرې د تېرو چُوکو په شان دى، د جمع شوى متلونو خبرې د چوکو په څوکه کښې د مېخونو په شان دى چې يو شپون يې د ګډو د بوتلو دپاره استعمالوى.

¹²خو زما زويه، د دې نه علاوه هم خبردار اوسه. د ډيرو کتابونو د ليکلو سلسله به هيڅ کله نۀ ختمېږى او ډيره مطالعه وجود ستړے کوى.

¹³راځئ چې اوس په آخر کښې د ټول تعليم په خُلاصه باندې غور وکړو. د خُدائ پاک نه يرېږه او د هغۀ په حُکمونو عمل کوه، دا په هر انسان فرض دى.

¹⁴ځکه چې خُدائ پاک به راسره د هر يو عمل عدالت کوى، که هغه ښۀ وى او که بد او په دې کښې پټ څيزونه هم شامل دى.