Read Pashto (Nangahari) — د پښتو مقدس کتاب خواږهٔ سرودونه 1 Bible Online

خواږهٔ سرودونه 1 - Pashto (Nangahari) — د پښتو مقدس کتاب bible

خواږهٔ سرودونه 1

¹د حضرت سليمان خواږهٔ سرودونه

²بيا بيا مې په خپلو شونډو سره ښُکل کړه، ځکه چې ستا مينه د شرابو نه زياته مزه کړينه.

³ستا د عطرو خوشبوئې څومره ښُکلې ده، ستا نوم لکه د هغې د خوشبو په شان ده. نو ځکه ټولې پيغلې په تا مئينې دينه

⁴زر شه، ما د خپل ځان سره بوځه، تهٔ زما بادشاه شه، ما خپلې کوټې ته بوځه. <h>ښځې</h> اے بادشاه مونږ څومره ستا دپاره خوشحاله يونه، د شرابو نه زيات مونږ ستا د مينې صِفت کوونه. <h>محبوبه</h> دا رښتيا دى چې پيغلې په تا مئينې دينه.

⁵زهٔ خو توره يمه خو ښُکلې يمه، اے د يروشليم جينکو، د قيدار د خيمو په شان توره يمه او د سليمان د خيمې د پردو په شان توره يمه.

⁶ما ته مۀ ګورئ ځکه چې زۀ غنم رنګه يمه، زما څرمنه نمر توره کړې ده. زما وروڼه ما سره وران وونه او په زبردستئ سره هغوئ په ما د خپلو انګورو خيال ساتلو. نو بيا ما خپل خيال ونهٔ ساتلو، او نۀ مې د خپل انګور خيال وکړلو.

⁷ما ته ووايه، زما جانانه، تۀ به نن خپله رمه څرولو له چرته بوځې؟ او تهٔ خپلې ګډې په غرمه کښې د دمې دپاره چرته راغونډوې؟ نو بيا زهٔ ولې بُرقع په سر سرګردانه شمه او ستا د ملګرو په رمو کښې در پسى وګرځمه

⁸اے په ټولو پيغلو کښې ښائسته محبوبې، کۀ چرې تا ته دا پته نهٔ وينه، نو د رمو د پښو ښاپونو پسې شه روانه، او خپل چيلى دې د شپانو د خيمو په خوا کښې وڅرونه.

⁹زما محبوبې، تۀ په ما دومره ګرانه ينه، لکه د فرعون د شاهى آسپې په شان ښائسته ينه.

¹⁰ستا اننګى څومره ښائسته دينه، او هغه ستا د غوږونو والو سره ځليږينه! او ستا غړۍ څومره ښائسته ده، او د سرو سره څومره ښُکلې ښکارينه.

¹¹خو مونږ به د سرو زرو والئ درته او د سپينو زرو مرۍ جوړى کړونه.

¹²کله چې زما شهزاده خپل کټ کښې آرام کولونه، نو زما د عطرو په خوشبوئې کښې نشه نشه شونه.

¹³زما جانان د مُر زونډے دېنه، زما په سينه پروت دېنه

¹⁴زما جانان د عين جدى د انګورو په باغونو کښې د نکريزو د ګل په شان دېنه

¹⁵زما محبوبې، تۀ څومره ښائسته ينه! تهٔ څومره حسينه ينه، سترګې دې د ګوګوشتکو په شان ښُکلې دينه.

¹⁶تهٔ ډير ښُکلے يې زما جانانه، تهٔ څومره زړهٔ وړونکے ينه، شنه ګياه به زمونږ بستره وينه.

¹⁷د دِيار لرګى به زمونږ د کور وې تيرونه، او د خوشبوداره دياره لرګى زمونږ د کور دى تيرونه، او د سروې ونه به زمونږ د کوټې چت وينه.