Read Pashto (Nangahari) — د پښتو مقدس کتاب خواږهٔ سرودونه 2 Bible Online

خواږهٔ سرودونه 2 - Pashto (Nangahari) — د پښتو مقدس کتاب bible

خواږهٔ سرودونه 2

¹زۀ لکه د شارون د ګلاب په شان يمه، او په پټو کښې د لاله د ګل په شان يمه.

²لکه چې په ازغو کښې د لاله ګل وينه، زما محبوبه د پيغلو په مينځ کښې داسې وينه.

³لکه د سيب د ونې په شان په ځنګل کښې زما جانان د نورو زلمو په مينځ کښې دينه. د هغهٔ د سورى لاندې په کښيناستو ډيره خوشحاليږمه، او زما په خولهٔ د هغهٔ ميوې خوږې لګيږينه.

⁴هغۀ زۀ د خپل ځان سره مهمان خانې ته روانه کړمه، او زهٔ يې په خپله مينه کښې ونغښتلمه.

⁵د کشمشو سره يې ماته طاقت راکړلو، او د سيوانو سره يې زهٔ تازه کړمه، ځکه د مينې په وجه مړاوې شوې ومه.

⁶د هغۀ ګس لاس زما د سر لاندې وونه، او د هغهٔ ښى لاس ځانته راغاړه ايستمه.

⁷اے د يروشلم جينکو، ما سره ټينګه وعده وکړئ، ترڅو چې مونږ پراتهٔ يونه مونږ به نهٔ په عذابوئينه.

⁸وګوره، چې جانان مې راروان دېنه، هغه په غرونو راخيژينه، او په غونډو ټوپونه وهينه.

⁹زما جانان لکه هوسۍ او يا د ځوان هوسۍ په شان دېنه، وګوره هغه اوس زمونږ د ديوال شاته ولاړ دېنه، هلته د کړکۍ د جال نه دننه کوټې ته ګورينه.

¹⁰زما جانان ما ته ووئيل: <h>محبوب</h> ”زما محبوبې، راپاڅيږينه، ښائسته محبوبې، راځه ما سره لاړه شه.

¹¹وګوره، ژمے تير شو بارانونه ودرېدل او بس شونه.

¹²په زمکه ګلونه راښکاره شونه، د سندرو وئيلو موسم رارسيدلے دېنه، زمونږ په مُلک کښې د ګوګوشتکو آوازونه اورېدلے کيږينه.

¹³د اينځر بوټو خپله ړومبۍ ميوه ونيوله، او د انګور بوټو د خپلو غوټو خوشبو خوره کړله. راپاڅه، راشه، زما محبوبې، زما ښائسته محبوبې، راځه ما سره لاړه شه.

¹⁴زما ګوګوشتکې په کمر کښې د ګټانو شاته خپل ځان پټ کړے دېنه. زۀ ستا مخ ليدل غواړمه، او ستا آواز اورېدل غواړمه. ځکه چې ستا آواز خوږ دېنه، او ستا مخ ښائسته دېنه.

¹⁵لومبړې ونيسه، وړې لومبړې ونيسه، هسې نه چې هغوئ د انګورو باغ تباه کړينه، ځکه چې زمونږ د انګور بوټو غوټۍ نيولى دينه.“

¹⁶جانان زما او زۀ د جانان يمه، هغه چې د لاله په ګلونو کښې مزې کوينه.

¹⁷د سحر رڼا نه وړاندې زما جانانه، چې شپه په ختميدو شى، ما نه لاړ شه جانانه، لکه د هوسۍ او يا د تکړه هوسۍ په شان په کاڼيزه غرونو باندې ما نه په ټوپونو او مستئ سره لاړ شه.