Read Pashto (Nangahari) — د پښتو مقدس کتاب خواږهٔ سرودونه 3 Bible Online

خواږهٔ سرودونه 3 - Pashto (Nangahari) — د پښتو مقدس کتاب bible

خواږهٔ سرودونه 3

¹ټوله شپه کله چې زهٔ په خپل کټ کښې پرته ومه، د چا سره چې زهٔ مينه کوم ما د هغهٔ لټون وکړونه، خو هغه رانهٔ غلونه.

²خو بيا ما خپل ځان ته ووئيل، زهٔ به پاڅيږمه او ټول ښار به ولټومه، د هغه چا پسې به په چوکونو او سړکونو کښې وګرځيږمه چا سره چې زهٔ مينه کومه. نو زهٔ ورپسې ښهٔ وګرځيدمه خو پيدا مې نهٔ کړونه.

³چوکيدارانو زهٔ ودرولمه، کله چې هغوئ په ښار کښې ګرځيدل. ما د هغوئ نه تپوس وکړلو، ”ولې تاسو هغه کس ليدلے دېنه چا سره چې زهٔ مينه کومه؟“

⁴نو چې د هغوئ نه لږ وړاندې لاړمه ما خپل جانان پيدا کړونه. هغه مې راټينګ کړونه او تلو ته مې پرې نهٔ‎ ښودلونه او ما هغه د خپلې مور کور ته راوستونه هغې کوټې ته په کومه کښې چې زهٔ د مور په ګيډه شوې ومه.

⁵اے د يروشلم جينکو، ما سره ټينګه وعده وکړئينه، ترڅو چې مونږ پراتهٔ يونه مونږ به نهٔ په عذابوينه.

⁶چې د لوګى د ستن په شان دے هغه څوک دېنه هغه زمونږ طرف ته راروان دېنه؟ چې فضا يې په مُر او لوبانو خوشبوداره کړيدنه، او د سوداګرو په عطرو باندې خوشبوداره کړيدنه؟

⁷دا د سليمان ګاډۍ ده وګورئينه، چې ورسره شپيتهٔ تکړه کسان په پرګله کښې راروان دينه، د بنى اِسرائيلو د ټولو نه ښهٔ فوجيان ورسره دينه.

⁸هغوئ ټول په تُورو باندې سمبال دينه، او په جنګ کښې هم ماهر دينه، د هر يو سره په ترخ کښې تُوره ده، او هغوئ په شپه کښې د بادشاه د حفاظت کولو جوګه هم دينه.

⁹سليمان بادشاه شاهى ګاډۍ ځان دپاره د لبنان د ديار د لرګو نه جوړه کړې ده نه.

¹⁰د هغې ستنې هغهٔ د سپينو زرو نه جوړى کړى دينه، او د هغې چت يې د سرو زرو نه جوړ کړے دېنه، او د هغې بالختى ارغوانى دينه. هغه د يروشليم د پيغلو په مينې سره ښائسته شوى ونه.

¹¹اے د يروشليم پيغلو راشينه، او سليمان بادشاه وګورئينه هغهٔ هغه تاج په سر کړے دېنه کوم چې د وادۀ په ورځ مور ورکړے وونه، ډيره د خوشحالۍ ورځ وه د هغهٔ د ټولو نه.