Read Pashto (Nangahari) — د پښتو مقدس کتاب خواږهٔ سرودونه 5 Bible Online

خواږهٔ سرودونه 5 - Pashto (Nangahari) — د پښتو مقدس کتاب bible

خواږهٔ سرودونه 5

¹زما دنيا، زما ناوې، زهٔ په خپل باغ کښې داخل شوے يمه. زۀ د مُر چيړ او خوشبوداره مصالحې راټولومه. ما خپل ګبين د شاتو سره وخوړلونه، او زهٔ خپل پئى او شراب څښمه. <h>ښځې</h> اے عاشقانو، وخورئ او وڅښينه! او د مينې نه مست شئينه!

²زۀ اُودۀ ومه خو زما زړهٔ بيدار وونه، غوږ شه! زما جانان ور ټکوينه. ”زما د زړهٔ دنيا او محبوبې ورکولاو کړه، زما ګوګوشتکې، زما بې عيبه مينې. <h>محبوب</h> زما سر په شبنم باندې لوند دېنه، او د شپې پرخې مې ويښتهٔ لوُندهٔ کړى دينه.“

³ما خو جامې ويستلى دينه، نو دا بيا دوباره واچوم څهٔ؟ ما خپلې پښې وينځلى دينه، بيا دا دوباره په خاورو ګنده کړم څهٔ؟

⁴زما جانان خپل لاس په ور کښې رااوږد کړونه، نو زما زړهٔ د هغهٔ دپاره په درزيدو شونه.

⁵نو زهٔ راپاڅيدم چې خپل جانان ته ور کولاو کړمه. زما د لاسونو نه عطر په څڅيدو شونه. زما د ګوتو نه د مُر چيړ په څڅيدو شونه کله چې ما د ور کونډه راښکله.

⁶ما خپل جانان ته ور کولاو کړونه، خو هغه بيا تلے وو، نو زهٔ سخته پرېشانه شومه، ما هغه ولټولو، خو هغه مې پيدا نهٔ کړونه، ما هغۀ ته آواز وکړونه، خو هغۀ ما ته جواب رانهٔ کړونه.

⁷کومو څوکيدارانو چې په ښار کښې ګشت کولونه نو هغوئ زۀ ونيولم، هغوئ زۀ ووهلمه او په وهلو يې تکه شنه کړمه، او د ښار د ديوالونو چوکيدارانو زما د مخ نه پلو اوچت کړونه.

⁸اے د يروشلم ښځو، ما سره دا وعده وکړئينه، کۀ چرې تاسو زما جانان وليدلو، هغۀ ته ووائينه چې زهٔ د هغهٔ د مينې په وجه کمزورې شوې يمه.

⁹اے په ټولو پيغلو کښې ښائسته جينۍ، ستا جانان د نورو سړو نه کوم خاص خصوصيت لرينه؟ په هغۀ کښې داسې څۀ خاص دينه، چې مونږ تا سره دا لوظ وکړونه؟

¹⁰زما جانان سور سپين دېنه، او په لسو زرو کښې د ټولو نه اعلٰى دېنه.

¹¹د هغۀ سر د سوچه سرو زرو دېنه، د هغۀ وېښتۀ وَل وَل دينه، او لکه د کارغۀ په شان تور دېنه.

¹²د هغۀ سترګې د ګوګوشتکو په شان دينه چې د اوبو د چينو په خوا کښې وينه سپينې ګوګوشتکې لکه د پئيو په شان چې د تالاب په خوا کښې ناستې وينه.

¹³د هغۀ اننګى د باغ په شان دينه، چې د خوشبودارو بوټو نه ډک وينه. د هغۀ شونډې د لاله د ګل په شان دينه، لکه چې د مُر په چيړ خوشبويه شوې وينه.

¹⁴د هغۀ لاسونه د سرو زرو سيخُونه دينه، چې په دې کښې قيمتى کاڼى لګېدلى وينه. د هغۀ بدن لکه د هاتى د غاښُونو په شان سپين دېنه، او چې په کښې شنهٔ ياقُوت لګيدلى وينه.

¹⁵د هغۀ پښې د سنګِ مرمرو د ستنو په شان دينه چې په سرو زرو کښې لګولے شوې وينه. د هغهٔ شکل د لبنان د غرونو د خاص دِيار په شان ښکارينه.

¹⁶هغه ډيره خوږه خولهٔ لرينه، هغه په هر لحاظ زړۀ راښکُونکے دېنه، نو، اے د يروشلم ښځو، زما جانان او زما آشنا دغه شان دېنه.